Claudia López Hernández
Claudia Nayibe López Hernández, nada en Bogotá o 9 de marzo de 1970, é unha política colombiana, politicóloga de profesión e actual alcaldesa electa de Bogotá,[1] sendo a primeira muller electa como alcaldesa na historia da cidade. Foi senadora da República pola partido Alianza Verde e candidata á vicepresidencia na candidatura de Sergio Fajardo apoiada pola Coalición Colombia.
  | |
| Biografía | |
|---|---|
| Nacemento | 9 de marzo de 1970 (54 anos) Bogotá, Colombia |
 Alcaldesa de Bogotá | |
| 28 de outubro de 2019 – 1 de xaneiro de 2024 ← Enrique Peñalosa – Carlos Fernando Galán (pt)  → Electa en: Local elections in Bogota for 2019 (en) | |
 Senador de Colombia | |
| 20 de xullo de 2014 – 20 de xullo de 2018 | |
| Datos persoais | |
| País de nacionalidade | Colombia |
| Relixión | Ateísmo |
| Educación | Universidade Externado de Colombia School of International and Public Affairs, Columbia University (en) Universidade de Columbia Universidade Northwestern (pt) |
| Actividade | |
| Ocupación | política , alcaldesa , ecoloxista |
| Partido político | Green Party (en) |
| Lingua | Lingua castelá |
Premios
| |
| Páxina web | claudia-lopez.com |
    | |
Traxectoria editar
É a filla máis vella de Reyes Elías López Ruizes e María del Carmen Hernández, que tiveron outros seis fillos. Graduouse en Finanzas, Goberno e Relacións Internacionais pola Universidade Externado de Colombia. Ten unha mestría en Administración Pública e Política Urbana na Universidade de Columbia, de Nova York, e un doutoramento en Ciencia Política da Northwestern University.
A súa aparición na vida pública está ligada ao movemento estudantil da Sétima papeleta, que entre 1989 e 1990 foi o cal deu impulso á Asemblea Nacional Constituínte de 1991.
Foi consultora das Nacións Unidas, colaborou con varios medios de comunicación do país como o programa Hora 20 de Caracol Radio, o portal La Silla Vacía, o xornal El Tiempo e a revista Semana.
Como investigadora para a Corporación Arcoiris e a Misión de Observación Electoral salientou polos seus traballos sobre as votacións atípicas. Estes foron o seu punto de partida para destapar o escándalo da parapolítica. As súas investigacións aclararon condenas sobre máis de 40 representantes públicos por nexos con parapolítica, con críticas ó goberno do expresidente e agora senador investigado Álvaro Uribe e os seus aliados políticos. Causou polémica o seu despedimento público de El Tiempo en outubro de 2009 debido a unha columna na que fixo unha análise crítico dese medio.[2]
Foi secretaria de Acción comunal de Bogotá e alcaldesa encargada de Santa Fe durante a primeira alcaldía de Enrique Peñalosa.
En 2014, chegou ó Senado con 81.125 votos como candidata da partido Alianza Verde.[4]
O 27 de decembro de 2016, anunciou a súa candidatura nas eleccións presidenciais de 2018, sendo así a primeira precandidata do Partido Alianza Verde.[5][6]
O mesmo ano, facendo parte da Coalición Colombia, integrada polo Polo Democrático, Compromiso Cidadán e Partido Alianza Verde resultou fórmula Vicepresidencial de Sergio Fajardo logrando o terceiro lugar na primeira volta. Na segunda volta apoiou a Gustavo Petro.[3]
En 2018, para frear a corrupción política, promoveu unha consulta nacional que estivo preto de ser aprobada.[7][8][9]
Alcaldesa de Bogotá editar
O 27 de outubro de 2019 gañou as eleccións locais de Bogotá con 1.108.541 votos, converténdose en alcaldesa da cidade.[1] Desta maneira, converteuse na primeira alcaldesa electa muller da cidade e a primeira alcaldesa abertamente LGBT dunha capital de América.[10]
Notas editar
- ↑ 1,0 1,1 "Claudia López, primera alcaldesa electa en la historia de Bogotá". 2019-10-27. Consultado o 2019-10-27.
- ↑ "Claudia López Investigadora". Arquivado dende o orixinal o 25 de marzo de 2013. Consultado o 17 de marzo de 2013.
- ↑ 3,0 3,1 "Claudia López y Antanas Mockus anuncian que votarán por Gustavo Petro". El Tiempo. Consultado o 16 de xuño de 2018.
- ↑ "Asi quedó conformado en Senado y Cámara". Semana. 9 de marzo de 2014. Consultado o 30 de decembro de 2016.
- ↑ "Claudia López se lanza como candidata presidencial en el 2018". Publimetro. 27 de decembro de 2016. Arquivado dende o orixinal o 30 de setembro de 2020. Consultado o 27 de decembro de 2016.
- ↑ "Claudia López, primera precandidata presidencial de la Alianza Verde". Semana. 27 de decembro de 2016. Consultado o 27 de decembro de 2016.
- ↑ "Bogotá: candidatura única de centro izquierda pasa por el metro". Consultado o 29 de maio de 2019.
- ↑ "A un paso de ser aprobado proyecto que desarrolla la Consulta Anticorrupción". 20 de maio de 2019. Consultado o 29 de maio de 2019.
- ↑ "Ángela Robledo: un chance para el petrismo y un reto para Claudia López". Arquivado dende o orixinal o 29 de maio de 2019. Consultado o 29 de maio de 2019.
- ↑ Betín, Tomás (27 de outubro de 2019). "Bogotá elige la primera alcaldesa Lgbt de una capital de América". El Heraldo (Elheraldo.co). Consultado o 28 de outubro de 2019.
Véxase tamén editar
Wikimedia Commons ten máis contidos multimedia na categoría: Claudia López Hernández  |
Ligazóns externas editar
- Páxina oficial (en castelán)