Chachapoyas

Chachapoyas é unha cidade do norte do Perú, capital da provincia de Chachapoyas e do Departamento de Amazonas, situada na vertente oriental da Cordilleira dos Andes, nun altiplano da cunca do río Utcubamba, afluente do río Marañón. Segundo o censo peruano de 2007, a poboación da cidade era de 23 202 habitantes.

Chachapoyas

Localización
6°14′S 77°52′O
Estado	Perú
Rexión	Amazonas
Provincia	Chachapoyas (pt)
Capital de	Amazonas Chachapoyas (pt) Chachapoyas (distrito) (pt)
Poboación
Poboación	32.026 (2017) (208,26 hab./km²)
Xeografía
Superficie	153,78 km²
Altitude	2.335 m
Identificador descritivo
Código postal	477002
Fuso horario	UTC−05:00
Prefixo telefónico	41
Páxina web	munichachapoyas.gob.pe

A cidade mantén aínda o carácter colonial nas súas construcións e conta coa Universidade Nacional Toribio Rodríguez de Mendoza de Amazonas.

Toponimia

Chachapoyas provén do vocábulo nativo sachapuyos que significa homes da néboa, atribuíndolle este nome debido á densa brétema que habitualmente cobre o cerro de Puma Urco, que se atopa nas inmediacións da cidade.

Historia

Berce da cultura chachapoyas, a cidade foi sometida polo Imperio Incaico no século XV e posteriormente, tras a conquista, foi novamente fundada polos españois co nome de San Juan de la Frontera de los Chachapoyas por Alonso de Alvarado o 5 de setembro de 1538. Desa época datan a súa praza de Armas e as pequenas rúas empedradas que se conservan hoxe en día. Foi pensada para constituírse como capital do oriente peruano desde a marxe dereita do río Marañón. En 1821 derrotaron nela os patriotas peruanos aos realistas, converténdose de inmediato (1832) na capital dun dos primeiros departamentos.

Véxase tamén

Ligazóns externas

• Municipalidade de Chachapoyas
• Reconstrucción toponímica de la lengua Chachapoya^{[Ligazón morta]}
• Blog dedicado a Chachapoyas
• Información y noticias acerca de Chachapoyas
• Fotos y videos de Leymebamba y Chachapoyas
• The Weather Channel (Chachapoyas)