Catherine Labouré
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Catherine Labouré, nada en Fain-lès-Moutiers (Borgoña) o 2 de maio de 1806 e finada en París o 31 de decembro de 1876, foi unha relixiosa francesa, nomeada santa pola Igrexa católica, segundo a cal foi testemuña das aparicións da Virxe María na rue du Bac en París. Deu orixe á Medalla Milagrosa levada por moitas persoas católicas na actualidade.
  | |
| Biografía | |
|---|---|
| Nacemento | 2 de maio de 1806 Fain-lès-Moutiers, Francia |
| Morte | 31 de decembro de 1876 (70 anos) 12.º arrondissement de Paris, Francia (pt)  |
| Datos persoais | |
| País de nacionalidade | Francia |
| Relixión | Igrexa católica |
| Actividade | |
| Campo de traballo | Relixión, catolicismo e monastic life (en) |
| Ocupación | relixiosa católica , monxa |
| Lingua | Lingua francesa |
| Orde relixiosa | Compañía das Fillas da Caridade de San Vicente de Paúl |
| Enaltecemento | |
| Día de festividade relixiosa | 8 de febreiro 31 de decembro |
 | |
Traxectoria editar
Foi a oitava dos dez fillos do granxeiro Pierre Labouré. A nai morreu cando ela tiña 9 anos. Pierre suxeriulle á súa irmá que coidara os dous nenos máis novos, Catherine e Tonine. Ao ela aceptar, os irmáns marcharon canda súa tía a Sant-Rémy, unha aldea a 9 km do seu fogar.
Catherine ingresou á Congregación das Fillas da Caridade, unha orde de enfermeiras que fundara San Vicente de Paúl. Era extremadamente devota, dunha natureza algo romántica e dada ás visións e premonicións.
Catherine afirmou que na noite do 19 de xullo de 1830, na festa de San Vicente de Paúl, espertou logo de oír unha voz dun neno que a chamaba á capela. Alí, ela oíu a Virxe María dicirlle:
"Deus desexa encargarche unha misión. Non te crerán, pero non temas; ti terás a graza para facer o que é necesario. Dille ó teu director espiritual todo que pasa dentro de ti. Os tempos son malvados en Francia e no mundo."
O 27 de novembro de 1830, Catherine divulgou que a Virxe María volvera durante meditacións da tarde. Aparecera dentro dun marco oval, parada sobre un globo, con moitos aneis de cores de onde saían raios da luz sobre o globo. Arredor deste apareceron as palabras "Oh María, sen pecado concibida, roga por nós que acudimos a ti".