Castelo de Urueña

O Castelo de Urueña é unha fortaleza de orixe medieval situada na vila de Urueña (a chamada Vila do Libro), na provincia de Valladolid.

Castelo de Urueña
ben de interese cultural
Concello	Urueña
Provincia	Valladolid
Comunidade autónoma	Castela e León
Coordenadas	41°43′34″N 5°12′04″O
Estilo arquitectónico
Estilo orixinal	románico (século XIII)
Estilo actual	Ruínas
[ editar datos en Wikidata ]

Descrición

Vista da muralla de Urueña.

Ten torre da homenaxe cadrada e cubos nas esquinas. Está bastante arruinado e serviu durante moitos anos como cemiterio. Cando se edificou foi unha fortaleza moi importante, pois formaba a liña fronteiriza entre os reinos de Castela e de León, división que levara a cabo a mediados do século XII o rei Afonso VII^{[Cómpre referencia]}.

Aquí viviron personaxes importantes da historia de España. Foi a mansión habitual de dona María de Padilla, amante de Pedro I o Cruel. Outros estiveron prisioneiros, como a princesa de Portugal dona Beatriz, quen máis tarde casou con Pero Niño, señor de Cigales (Valladolid). O conde de Urgell Xaime II, derrotado no Compromiso de Caspe e militarmente en Balaguer, foi xulgado e traído prisioneiro por don Fernando de Antequera. A lenda conta que o hóspede prisioneiro máis famoso foi o conde castelán Pedro Vélez, ao ser sorprendido en amoríos dentro do recinto cunha curmá carnal do rei Sancho III de Castela. Un romance conta a historia completa, con estrofas tan descritivas como esta:

que o conde don Pedro Vélez

no pazo foi achado

con unha curmá carnal

do rei Sancho o Desexado,

as calzas ao xeonllo

e o xibón desabrochado…

Véxase tamén