Carlos Pérez Álvarez
Carlos Pérez Álvarez, nado en Vigo o 1 de novembro de 1971 e finado en Nigrán o 5 de xullo de 2006, foi un futbolista galego que xogaba de centrocampista.
| Carlos Pérez | |||
|---|---|---|---|
| Información persoal | |||
| Nome | Carlos Pérez Álvarez | ||
| Nacemento | 1 de novembro de 1971 | ||
| Lugar de nacemento | Vigo | ||
| Falecemento | 5 de xullo de 2006 | ||
| Lugar de falecemento | Nigrán | ||
| Altura | 1,77 m. | ||
| Posición | Centrocampista | ||
| Carreira xuvenil | |||
| 1987–1989 | Celta Vigo | ||
| Carreira sénior | |||
| Anos | Equipos | Aprs | (Gls) |
| 1989–1993 | Celta B | ||
| 1992–1998 | Celta Vigo | 47 | (3) |
| 1996–1997 | → Almería (loan) | 21 | (2) |
| 1998–1999 | Chaves | 27 | (4) |
| 1999–2001 | Vitória Guimarães | 39 | (0) |
| 2001–2004 | Nacional de Madeira | 71 | (6) |
| 2004–2005 | CD Ourense | 26 | (0) |
| Selección nacional | |||
| 1993– | Selección de fútbol sub-21 de España | 1 | (0) |
|
Partidos e goles só en liga doméstica. [ editar datos en Wikidata ] | |||
Formado na canteira do Celta de Vigo, xogou boa parte da súa carreira en Portugal. Faleceu nun accidente aos 34 anos[1].
Traxectoria editar
Comezou a xogar nas categorías inferiores do Celta, e en 1993 xogou un partido coa Selección de fútbol sub-21 de España. Porén, só xogou 16 partidos como titular nas tres tempadas que estivo no primeiro equipo, e en 1996 foi cedido á UD Almería que xogaba en segunda división. Xogou 21 partidos e meteu dous goles, pero o club descendeu. Regresou ao Celta na tempada 1997-98, pero non tivo participación e foi traspasado.
Fichou polo Grupo Desportivo de Chaves. Xogou 27 partidos e meteu 4 goles, pero o club descendeu, e fichou por outro equipo do norte de Portugal, o Vitória de Guimarães. Alí estivo dúas tempadas, e en 2001 fichou polo Nacional da Madeira, co que ascendeu á primeira división logo de xogar 19 partidos e meter un gol. Alí estivo dúas tempadas máis, e en 2004 fichou polo CD Ourense, que xogaba na segunda B.
Tiña pensado seguir no mundo do fútbol como adestrador, pero morreu novo nun accidente doméstico.
Notas editar
- ↑ "Consternación en el Celta por la muerte de Carlos Pérez" Arquivado 23 de decembro de 2016 en Wayback Machine., artigo en El Correo Gallego, 7 de xullo de 2006 (en castelán).
Véxase tamén editar
Ligazóns externas editar
- Estadísticas Arquivado 12 de outubro de 2012 en Wayback Machine. en ForaDeJogo (en portugués).