Carcinus
| Carcinus | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Carcinus maenas | |||||||||||||||||||
| Clasificación científica | |||||||||||||||||||
| |||||||||||||||||||
| Especies [2] | |||||||||||||||||||
| |||||||||||||||||||
Carcinus é un xénero de crustáceos decápodos braquiúros da familia dos portúnidos.
Etimoloxía editar
O nome Carcinus deriva do grego antigo καρκίνος (karkínos), "cangrexo".
Taxonomía editar
O xénero foi descrito en 1814 polo zoólogo e biólogo mariño inglés William Elford Leach e comprende tan só dúas especies:[1]
- Carcinus aestuarii Nardo, 1847
- Carcinus maenas (Linnaeus, 1758)
A primeira delas é endémica do mar Mediterráneo, mentres que a segunda é unha importante especie invasora.[2]
Carcinus maenas editar
- Artigo principal: Cangrexo común.
Carcinus maenas é unha das 100 peores especies invasoras do mundo. Nativa do nordeste do océano Atlántico e o mar Báltico, colonizou hábitats similares en Australia, Suráfrica, Suramérica e as costas atlánticas e pacíficas de Norteamérica. Medra nunha ancha casca de até 90 mm e aliméntase dunha gran variedade de moluscos, anélidos e pequenos crustáceos, e pode potencialmente afectar a gran número de pescarías. A súa exitosa dispersión produciuse mediante unha variedade de mecanismos, tales como cascos de barcos, materiais de embalaxe, bivalvos trasladados para acuicultura e en madeiras á deriva.
Carcinus aestuarii editar
- Artigo principal: Cangrexo do Mediterráneo.
Carcinus aestuarii é unha especie propia do mar Mediterráneo.
É moi similar a C. maenas e está considerada por algúns sutores como unha subespecie dela.
Os dous taxa poden distinguirse pola parte dianteira da casca, entre os ollos, que é curto e dentada en C. maenas, e máis suave en C. aestuarii.
A diferenza de C. maenas, C. aestuarii só está implicada nunha invasión; a costa do Xapón foi invadida por un híbrido de ambas as especies.
Notas editar
- ↑ 1,0 1,1 Carcinus Leach, 1814 no WoRMS.
- ↑ 2,0 2,1 Peter K. L. Ng, Danièle Guinot & Peter J. F. Davie (2008). "Systema Brachyurorum: Part I. An annotated checklist of extant Brachyuran crabs of the world" (PDF). Raffles Bulletin of Zoology 17: 1–286. Arquivado dende o orixinal (PDF) o 06 de xuño de 2011. Consultado o 20 de agosto de 2014.
Véxase tamén editar
Wikimedia Commons ten máis contidos multimedia na categoría: Carcinus  |
| Wikispecies posúe unha páxina sobre: Carcinus |
Bibliografía editar
- Türkay, M. (2001): "Decapoda", en: Costello, M. J. et al. eds. (2001): European register of marine species: a check-list of the marine species in Europe and a bibliography of guides to their identification. Paris: Muséum national d'Histoire naturelle. Collection Patrimoines Naturels, 50. ISBN 2-85653-538-0.