Cabalgata dos Reis Magos
A Cabalgata dos Reis Magos é un desfile de carrozas típico, nas cidades españolas e algunhas mexicanas, no que os Reis Magos (Melchor, Gaspar e Baltasar) e os seus paxes e axudantes lanzan caramelos e pelotas aos nenos que os observan desde a rúa.
Celébrase cada 5 de xaneiro pola tarde. Ao chegar a noite os nenos deben deitarse temperán e á mañá seguinte, no día da Epifanía, teñen os agasallos dos Reis Magos que solicitaron previamente nunha carta. Segundo a tradición os nenos que se portaron mal durante o pasado ano reciben carbón de caramelo.
Historia editar
O primeiro rastro documentado sobre a orixe da cabalgata do día de Reis, remóntase ao 5 de xaneiro de 1855 no "Diario de Barcelona".
A Cabalgata dos Reis Magos de Alcoi pasa por ser a máis antiga de España e, por iso, do mundo, estando documentada desde 1866.
Así mesmo consta que, en 1876, empezouse a celebrar a Cabalgata dos Reis Magos de Ibi, localidade próxima a Alcoi, deixando de celebrarse algúns anos da década dos 30 e retomándose nos 40, da man de José Vicedo García e Pascual Rico Bellod.
En Galicia a primeira cabalgata dos Reis Magos realizouse na Coruña, organizada pola Liga de Amigos, en 1909[1] e non tivo continuidade; ao longo dos anos diversas asociacións organizaron esporadicamente outras en varias localidades galegas, como a de 1929 en Vigo pola Asociación da Prensa [2]. Non foi ata 1938 coa cabalgata que organizou a Falanxe[3] que a cabalgata comezou a ter continuidade na Coruña e logo noutras cidades galegas.
Desde 2009 hai tamén en Polonia cabalgatas dos Reis Magos.
Notas editar
- ↑ "La cabalgata empezó en 1909". La Voz de Galicia. 4 de xaneiro de 2023.
- ↑ "La prensa creó la cabalgata de Reyes de Vigo". Faro de Vigo. 8 de xaneiro de 2023.
- ↑ "Organizada por la Falange y con el «rey negro portando carbón»: así fue la primera cabalgata de Reyes de A Coruña". La Voz de Galicia. 4 de xaneiro de 2023.
Véxase tamén editar
Outros artigos editar
Ligazóns externas editar
- Cabalgata dos Reis Magos de Pamplona (en castelán)
- Envía a túa Carta aos Reis Magos Arquivado 30 de xaneiro de 2011 en Wayback Machine. (en castelán)
- Cabalgata de Reis en Varsovia (en castelán)