C-3PO

C-3PO Relacións Interhumanas ou tamén C-3PO Relacións Cibernético-humanas, ou comunmente nomeado como C-3PO (pronunciado: SITRIPIO) é un personaxe ficticio do universo de A Guerra das Galaxias. Aparece nos seis episodios da saga. O actor que o interpreta é Anthony Daniels.

Anthony Daniels cunha máscara de C-3PO en 2005.

Características

Trátase dun droide de protocolo, é dicir, un droide deseñado especificamente para interactuar con seres pensantes. Pode falar e entender máis de seis millóns de formas de comunicación. Construído por Anakin Skywalker, e compañeiro do droide astromecánico R2-D2.

A súa principal función como droide de protocolo é axudar a explicar os costumes doutras culturas, a tradución etc. É moi leal aos seus amos, dende a súa creación, serviu a máis de corenta.

Nun principio foi chamado 3PO pero tras ser completado (entre os episodios I e II) déuselle o nome de C-3PO.

Ao final do Episodio III bórranselle os seus bancos de memoria para non revelar a localización de Luke Skywalker e Leia Organa, é por iso que non o recoñece en A guerra das galaxias, nin tampouco o seu creador Anakin dicindo que o capitán Raymus Antilles da nave Tantive IV fora o seu último dono.

En 2004, C-3PO foi introducido dentro do salón da fama dos robots.