César Oro García
César Oro García, nado na Veiga (Lalín) en 1924[1] e finado en Washington, D.C. o 16 de marzo de 2013[2], foi un lingüista galego.
| Biografía | |
|---|---|
| Nacemento | 1924  A Veiga, España |
| Morte | 16 de marzo de 2013 (88/89 anos) Washington, D.C., Estados Unidos de América |
| Datos persoais | |
| País de nacionalidade | España |
| Educación | Universidade da Habana Universidade Atlántica de Florida |
| Actividade | |
| Ocupación | lingüista , catedrático |
| Lingua | Lingua castelá |
 | |
Traxectoria editar
Estudou en Monterroso, Mondoñedo, País Vasco (cos padres pasionistas) e Melide. Renunciou ao sacerdocio. Na Coruña cursou estudos de Náutica, pero embarcou rumbo a Cuba. Traballou e estudou na Universidade da Habana, e aos poucos meses marchou aos Estados Unidos.
En Miami desempeñou varios oficios e seguiu estudando na Florida Atlantic University. Na década de 1970 comezou a publicar traballos sobre lingua castelá. Despois de pasar pola Universidade de Maryland rematou a súa tese, e converteuse en profesor da Universidade de Howard[3].
Na Howard University foi profesor e investigador do departamento de Linguas Romances, chegando a ser un dos máis importantes especialistas en literatura medieval española e galego-portuguesa. Foi membro da Sociedad Nacional Hispánica e The American Association of Teachers of Spanish and Portuguese (AATSP). En 1985 participou no Congreso Internacional sobre Rosalía e no II Congreso de Estudos Galegos da Brown University, en 1988.
Obras editar
- La perífrasis verbal gallega.
- El romero encantado: una aproximación sintáctica.
- Fluctuaciones de los verbos gallegos en -ar al comienzo de los lexemas.
- Las formas del verbo galaico-portugués seer según los textos, siglos XII y XIII.
- En torno a una polémica: la normalización del gallego.
- Algunas consideraciones sobre las desinencias -an, -ano, -ao en gallego actual.
Notas editar
- ↑ Barrera, Feliciano, ed. (2002). "Oro García, César". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 407. ISBN 84-8064-113-4.
- ↑ Xan Salgueiro (13 de maio de 2013). "Llegan a Lalín las cenizas del profesor César Oro García, fallecido en EE UU el 16 de marzo". Faro de Vigo.
- ↑ *Benito García Carril (1 de abril de 2012). "César Oro García". Faro de Vigo.