Buton

Buton (tamén coñecida como Butung ou Boeton), é unha illa de Indonesia, que se atopa preto da costa da península suroriental de Sulawesi. Pertence á provincia de Célebes Suroriental.

Buton
Butung, Boeton ou Button
Pazo de Buton en 1930
Localización da illa
Situación
País	Indonesia
Provincia	Sulawesi Tenggara
Arquipélago	Célebes
Mar	Mar de Banda
Coordenadas	5°3′S 122°53′L
Xeografía
Superficie	4.408 km²
Longura máxima	150 km.
Largura máxima	60 km.
Punto máis alto	1.190 m. Wani, Buton
Demografía
Capital	Bau-Bau (pob. 137,118)
Poboación	447.408 (2010)
Lingua propia	Wolio, Cia-cia

Historia

En tempos precoloniales, a illa, entón coñecida como Butung, atopábase na área de influencia de Ternate. Especialmente no século XVI servía como segundo centro rexional do imperio, contralando o comercio rexional e recadando impostos que eran enviados a Ternate.

Porto Murhum, en Bau-Bau, é o principal porto da illa, leva o seu nome en recordo de Sultán Murhum, o primeiro gobernante islámico da illa

Xeografía

A maior cidade da illa é Bau-Bau, onde se falan as linguas Wolio e Cia-Cia. As principais illas próximas son Wowoni ao norte, Muna e Kabaena ao oeste e Siumpu ao suroeste. As illas Tukangbesi, das que o golfo de Kolowana Watabo (Teluk Kolowana Watabo) separa a Buton atópanse ao oeste. Nelas fálase a lingua Tukang Besi.

A illa de Batuatas atópase ao sur. O paso de Bouton (como se coñecía antes da independencia) era unha importante canle de navegación no norte do mar de Flores.

Ecoloxía

A illa está cuberta por selva tropical e é famosa pola súa fauna. É un dos únicos dous hábitats do anoa, un tipo de búfalo.

Poboación

A tribo Cia-Cia da cidade de Bau-Bau utiliza o alfabeto coreano Hangeul para o seu idioma. A alfabetización baseouse en textos do Instituto de Investigación Hunminjeongeum, unha sociedade lingüística de Seúl.

Economía

A illa xera unha gran produción de asfalto e outros minerais.

Véxase tamén