Brocéliande

Bosque de Brocéliande
Camiño da porta dos segredos, no bosque de Brocéliande, entre o Vale sen Retorno e o miradoiro das Fadas
Marco Legal
Figura de Protección:	parte do bosque é privado; hai regulacións específicas para a súa protección
Ano de constitución:	{{{Ano de constitución}}}
Superficie:	{{{Superficie protexida}}}
Lexislación:
Datos de interese
País:	Bretaña
Provincias:	Rexión da Bretaña, Francia
Concellos:	Paimpont, Guer, Beignon, Saint-Péran e Concoret
Ríos:	Río Av
Picos
Direccións de interese:	Abadía de Paimpont, Castelo de Comper, Forxas de Paimpont, Castelo de Trécesson, faia de Pontus (derrubada), numerosos lugares da mitoloxía artúrica como a casa e tumba de Merlín, casa da dama do lago e monumentos como a estatua de Excálibur
Teléfonos:

Brocéliande, tamén escrito Brécilllien, Brecheliant e Brec'heleané en bretón, é unha fraga mítica da lenda artúrica, identificada na actualidade coa fraga de Paimpont e antigamente coa fraga de Huelgoat ou de Quintin, todas elas na Bretaña. O río Av nace en Brocéliande, a uns 200m de altura.

Literatura e mitoloxía

O primeiro texto que menciona esta fraga é o Roman de Rou do poeta anglonormando Robert Wace, en 1160. Con todo, é en textos máis tardíos, onde se atopan ademais do seu nome actual, a maioría das súas atribucións.

Brocéliande é o fogar de numerosas lendas, incluíndo historias do mago Merlín, a fonte da eterna xuventude e o valente cabaleiro Lanzarote. Segundo a tradición, dentro deste bosque encóntrase o mítico Val sen Retorno de Morgana, a casa e a tumba de Merlín, a casa da dama do lago (un monumento megalítico) e moitos outros lugares de gran significado na tradición artúrica.

Até o 2023 estaba na actual Brocéliande (Paimpont) unha fagus sylvatica chamada 'de Ponthus', o príncipe galego da literatura do século XV que loitou nesta fraga. A árbore foi derrubada pola borrasca Ciaran.

Outros lugares de interese

• Abadía de Paimpont - Construída no século XIII sobre un priorato do ano 645.
• Estanque do paso do Acivro (Pas du Houx) - O maior estanque do bosque con 80 hectáreas.
• Forxas de Paimpont - Establecidas en 1653, funcionaron até mediados do século XX.
• Castelo de Comper - Situado ao norte do bosque, non está relacionado coa palabra bretoa "kemper" senón que provén probabelmente do antigo francés "combre" que significa encoro.
• Castelo de Trécesson - Reconstruído no século XV, asociado á familia de Trécesson e á lenda da "Dama branca de Trécesson".

Véxase tamén

• Fraga (botánica)

• Ponthus e Sidonie, reis de Galiza e Bretaña