Bonnie Blair
Bonnie Kathleen Blair, nada en Cornwall (Nova York) o 18 de marzo de 1964 é unha ex-patinadora de velocidade estadounidense. Foi unha das principais patinadoras da súa época e unha das atletas con máis medallas na historia dos Xogos Olímpicos. Competiu polos Estados Unidos en catro xogos, gañando cinco medallas de ouro e unha de bronce.
Traxectoria editar
Debutou nos Xogos Olímpicos en Saraxevo en 1984, rematando oitava nos 500 metros. Nese tempo adestraba tanto en distancia curta como longa. En 1986 gañou o campionato do mundo de distnaica curta. Volveu aos Xogos Olímpicos en 1988, gañando a medalla de ouro en 500 metros e o bronce en 1000 metros. En 1992 gañou outros dous ouros, igual que en 1994. Continuou a competir en 1995 no campionato do mundo de Milwaukee, retirándose en marzo dese ano.
Tras retirarse da patinaxe, converteuse en voceira motivacional.