Bielsko-Biała

Bielsko-Biała
	Bandeira Brasón
Localización
	49°49′21″N 19°02′40″L / 49.8225, 19.0444Coordenadas: 49°49′21″N 19°02′40″L / 49.8225, 19.0444
Estado	Polonia
Voivodatos	Voivodato de Silesia
Capital de	Condado de Bielsko-Biała (pt) ; Bielsko-Biała Voivodeship (en) (1975–1998)
Poboación
Poboación	169.089 (2021) (1.358,04 hab./km²)
Xeografía
Superficie	124,51 km²
Altitude	300 m-330 m
Comparte fronteira con	Comuna de Wilamowice (pt) ; Comuna de Kozy (pt) ; Comuna de Bestwina (pt) ; Comuna de Jaworze (pt) ; Condado de Cieszyn (pt) ; Szczyrk (pt) ; Comuna de Brenna (pt) ; Comuna de Wilkowice (pt) ; Comuna de Czechowice-Dziedzice (pt) ; Comuna de Jasienica (pt) ; Condado de Bielsko-Biała (pt)
Creación	1312 (Gregoriano)
Identificador descritivo
Código postal	43-300–43-382
Fuso horario	UTC+01:00, horario estándar; UTC+02:00, horario de verán
Outro
Irmandado con	Olsztyn ; Stadskanaal (pt) ; Rancagua ../... 22+
Páxina web	bielsko-biala.pl

Bielsko-Biała (en alemán: Bielitz-Biala; checo: Bílsko-Bělá) é unha cidade do sueste polaco situada no Voivodato de Silesia (dende 1999), previamente a capital do Voivodato de Bielsko-Biała (1975-1998). Bielsko-Biała está composta por dous núcleos de poboación establecidos a ambos lados do río Biała, Bielsko e Biała, unidos en 1951 como unha única cidade. Durante a primeira partición de Polonia no ano 1772, Biała foi anexionada por Austria e pasou a formar parte de Galicia ou Galitsia, a rexión histórica do leste de Europa.

A cidade conta cunha poboación de 174.370 habitantes (2013). Sitúase ao pé dos Montes Cárpatos, moi preto da fronteira coa República Checa e con Eslovaquia. Situada entre Cracovia e Katowice.

As súas actividades turísticas céntranse na práctica do esquí e do sendeirismo e son moi coñecidas as súas rutas polas Montañas Tatra.

Historia editar

A cidade de Bielsko-Biała foi fundada o 1 de xaneiro do ano 1951 cando as cidades adxacentes de Bielsko e Biała foron unificadas. Bielsko, a cal pertenceu durante séculos ao Duque de Cieszyn, foi fundada no ano 1312. Durante 1457 o río Biała serviu de fronteira entre a zona de Silesia e a pequena Polonia. Silesia entón pertencía a Austria, e a rexión da pequena Polonia a Polonia.^[1] Non foi ata 1918 cando ambas cidades comezaron a formar parte do renacido país, contando cunha parte significativa da súa poboación pertencente a etnias xermanas. Durante a segunda guerra mundial a cidade foi sometida ao Terceiro Reich e a súa poboación xudía enviada ao campo de concentración de Auschwitz. Logo da liberación da cidade polo Exército Vermello en 1945, a poboación de etnia xermana foi expulsada da cidade.

Río Biała editar

O principal río que cruza e divide á cidade é o río Biała («Río Branco» en polaco) cunha lonxitude de 28,6 km. É un afluente do Vístula. O seu nacemento esta localizado entre as ladeiras do Klimczok,Szyndzielnia e das montañas Magura, nunha elevación do redor de 800 m.

Río Biała.

Pub Galicia Bielsko-Biała.

Recreación da fronteira entre Galicia e Prusia, Bielsko-Biała.

Economía e industria editar

Historicamente a fonte económica predominante da rexión foi a industrial. As máis antigas tradicións deste tipo remóntanse á Idade Media e están asociadas coa industria téxtil. Pero a día de hoxe existe un amplo abano de diferentes tipos de industria, o que lle valou á cidade a reputación de rica zona industrial.

A produción de equipamento electrónico, téxtil e as industrias químicas, así como grupos alimenticios e da madeira ocupan hoxe en día a cabeza da lista das empresas punteiras da cidade.

A súa economía continúa coa reestruturación e privatización. Como punto máis relevante da reestruturación a cidade recibiu a participación de investidores estranxeiros. Fiat Auto Poland, unha empresa creada pola marca Italiana Fiat e FSM é un dos exemplos máis notables.^[2]

Monumentos editar

Museo de Bielsko-Biała, situado no castelo dos Duques de Cieszyn (s.XV), máis tarde Castelo da princesa Sułkowski
O Concello construído en 1897
Hotel Prezydent
O Cemiterio Xudeu fundado en 1849
A Catedral de San Nicolás do ano 1447 e reedificada en 1909-1910
Casa das Ras, unha mansión de Art Nouveau
A Galería de Arte de Bielsko, galería BWA

Distritos municipais editar

Biała
Stare Bielsko
Straconka
Mikuszowice Śląskie i Mikuszowice Krakowskie
Aleksandrowice
Wapienica
Olszówka Dolna i Olszówka Górna
Hałcnów
Komorowice Śląskie i Komorowice Krakowskie
Leszczyny
Lipnik

Educación editar

A universidade de Vigo mantén relacións en temas asociados coa telemática e filoloxía e tradución coa ATH, así como unha vía aberta de intercambio de estudantes grazas ao programa ERASMUS no que unha media de 3 alumnos galegos residen na cidade polaca nun intervalo de entre 5 meses e un ano.^[3]^[4]

Universidade de Bielsko-Biała (ATH)
Bielska Wyższa Szkoła Biznesu i Informatyki im. J. Tyszkiewicza (Escola Superior de Negocios e Informática J. Tyszkiewicz)
Wyższa Szkoła Administracji (Escola Superior de Administración)
Wyższa Szkoła Bankowości i Finansów (Escola Superior de Banca e Finanzas)
Wyższa Szkoła Ekonomiczno-Humanistyczna (Escola Superior de Economía e Humanidades)

Política editar

Membros do Parlamento (Sejm) elixidos en Bielsko-Biała

Jacek Falfus (Lei e Xustiza - PiS)
Tadeusz Kopeć (Plataforma cívica - PO)
Kazimierz Matuszny
Stanisław Pięta (Lei e Xustiza - PiS)
Piotr Smolana
Jan Sztwiertnia
Jan Szwarc
Stanisław Szwed (Lei e Xustiza - PiS)
Tomasz Tomczykiewicz (Plataforma cívica - PO)
Stanisław Zadora (Liga das familias polacas - LPR)

Política municipal editar

Alcalde: Jacek Krywult
Deputados: Waldemar Jędrusiński, Henryk Juszczyk e Zbigniew Michniowski.

Deporte editar

Podbeskidzie Bielsko-Biała - equipo de fútbol masculino(xogando na Primeira División polaca dende 2002/2003).
BBTS Siatkarz Original Bielsko-Biała - equipo masculino de voleibol que xoga actualmente na Liga Polaca De Voleibol (Polska Liga Siatkówki, PLS: Seria A en 2003/2004, Seria B en 2004/2005).
BKS Stal Bielsko-Biała - equipo feminino de voleibol:Campión de Polonia en 2004, xogando na serie A da Liga Feminina de Voleibol.

Notas editar

↑ [ Oskar Halecki, The Limits and Divisions of European History, Sheed & Ward: London and New York 1950, chapter V]
↑ [Análise económico da rexión Akademia Techniczno-Humanistyczna http://web2.um.bielsko.pl/bb/en/EN_economy_01_03.pdf Arquivado 07 de agosto de 2010 en Wayback Machine.]
↑ Diario da UVigo
↑ "Listaxe da Oficina de Relacións Internacionais UVigo". Arquivado dende o orixinal o 05 de xaneiro de 2012. Consultado o 25 de outubro de 2011.

Véxase tamén editar

Ligazóns externas editar

Páxina web oficial da cidade

[1] [ Oskar Halecki, The Limits and Divisions of European History, Sheed & Ward: London and New York 1950, chapter V]

[2] [Análise económico da rexión Akademia Techniczno-Humanistyczna http://web2.um.bielsko.pl/bb/en/EN_economy_01_03.pdf Arquivado 07 de agosto de 2010 en Wayback Machine.]

[3] Diario da UVigo

[4] "Listaxe da Oficina de Relacións Internacionais UVigo". Arquivado dende o orixinal o 05 de xaneiro de 2012. Consultado o 25 de outubro de 2011.

[1]

[2]

[3]

[4]