Bión de Borístenes
Bión de Borístenes c. 325 - 230 adC, filósofo grego nado na colonia grega de Olbia en Escitia, xunto ao estuario do río Borístenes (Dniéper).
| Biografía | |
|---|---|
| Nacemento | 325 a. C.  Olbia (en)  |
| Morte | valor descoñecido Cálcis, Grecia (pt) |
| Actividade | |
| Ocupación | filósofo |
| Período de tempo | Período helenístico |
| Movemento | Cinismo |
| Profesores | Teodoro o Ateo, Teofrasto e Crates de Atenas |
| Lingua | Grego antigo |
 |
| Filosofía grega |
|---|
Discípulo en Atenas do académico Crates (do que foi moi crítico), de Teodoro de Cirene e do peripatético Teofrasto, aproximouse aos cínicos, cuxo enxeño cáustico e as súas actitudes contrarias aos establecido compartía. Pasou a maior parte da súa vida indo dunha cidade a outra, dando conferencias e ensinando por diñeiro. Segundo Dióxenes Laercio (IV, 53), Bión de Borístenes —que fora escravo dun mestre de retórica— distinguíase pola súa habilidade literaria e especialmente polas súas brillantes parodias. Popularizou a diatriba («discurso falado») grega como obra escrita, de modo que puidese alcanzar a unha audiencia máis ampla, e a connotación algo ofensiva que a palabra ten en época actual deriva dos ataques humorísticos pero afiados de Bión contra os defectos e as debilidades humanas. Foi notable a súa influencia sobre a sátira latina de Lucilio e Horacio. Conserváronse fragmentos bastante amplos das súas obras.
Véxase tamén editar
Bibliografía editar
- J. P. Rossignol, Fragmenta Bionis Borys-thenitae philosophi, Lutetiae, 1830,e F. W. A. Mullach, Fragmenta philosophorum Graecorum, II, 423 e segs.
- J. M. Hoogvliet, De vita, doctrina et scriptis Bionis, 1821. —Art. de H. von Arnim sobre Bion (Bion, 10) en Pauly-Wissowa.