Beatriz Luengo
Beatriz Luengo González, nada en Madrid o 23 de decembro de 1982, é unha actriz, bailarina e cantante española.
.jpg)  | |
| Biografía | |
|---|---|
| Nacemento | (es) Beatriz Luengo González 23 de decembro de 1982 (41 anos)Madrid, España |
| Datos persoais | |
| País de nacionalidade | España |
| Educación | Royal Academy of Dance (pt)  |
| Actividade | |
| Ocupación | actriz , actriz de cinema , actriz de teatro , compositora de cancións , cantante , bailarina , presentadora de televisión |
| Período de actividade | 1999 - |
| Xénero artístico | Música pop, Soul, Reggae, R&B contemporâneo (pt) e música latina |
| Lingua | Lingua castelá, lingua francesa e lingua inglesa |
| Instrumento | Voz |
| Selo discográfico | Universal Music Group Sony Music Latin |
| Familia | |
| Cónxuxe | Yotuel Romero (2009–) |
| Páxina web | beatrizluengo.net |
           | |
Biografía editar
Nada nunha familia madrileña, Beatriz comeza a interesarse polo mundo do espectáculo aos seis anos, cando comeza a asistir a clases de canto e baile. Aos 11 anos aparece na repartición de baile do programa de televisión El Circo de Rita y Miliki (TVE), e con 12 firma, dentro dun grupo musical infantil chamado Tatu, o seu primeiro contrato discográfico con PolyGram, aínda que o devandito álbum nunca foi publicado[1].
Aos 15 anos debuta no Teatro Lope de Vega coa función Peter Pan, que levou o Premio Max de 1999 ao mellor musical. Máis tarde actuaría noutros musicais da capital como Annie ou Grease, e comeza a forxar a súa carreira como cantante e actriz a nivel profesional. A súa primeira aparición nunha longametraxe foi en 2000, na película Paixón adolescente dirixida por Antonio Llamas.
Tras realizar varios cameos en series de televisión como El Comisario ou Periodistas, consegue en 2003 un papel protagonista na serie Un paso adelante (Antena 3), baseada nunha escola de baile. Nesta serie formará un grupo musical, coñecido como UPA Dance, e logrará darse a coñecer en Francia grazas á venda da serie á canle M6[2]
A discográfica Universal Music decidiu rescatar o contrato que a cantante asinou con PolyGram. O seu primeiro álbum en solitario, Mi generación, non obtén o éxito esperado en España, polo que Beatriz decide marchar a Francia para continuar desenvolvendo a súa carreira como cantante. Alí grava en 2006 o seu segundo álbum e reedición do primeiro, BL, que obtén boas vendas no país galo e onde contou con colaboracións de artistas como Antonio Carmona.
O seu terceiro álbum, Carrousel, saíu á venda en España e Francia coa produción de Yotuel Romero e Andrés Levin. O seu sinxelo de lanzamento, Pretendo hablarte, foi a canción oficial da Vuelta ciclista a España de 2008 e o seu primeiro número 1 na lista de Los 40 principales.
Discografía editar
- Mi generación (2005)
- BL (2006)
- Carrousel (2008)
- Bela y sus Moskitas muertas (2011)
- Cuerpo y alma (2018)
Sinxelos editar
Filmografía editar
Longametraxe editar
- Pasión adolescente (2001)
- Campanilla y el tesoro perdido (2009) (B.S.O.)
- Sweet Dreams (2009)
Televisión editar
- El circo de Rita y Miliki (1993-1995), TVE1.
- Un paso adelante (2001-2005), Antena 3.
- Empieza el espectáculo (2006), TVE1.
- Desafío bajo cero (2006), Telecinco.
Teatro editar
- Peter Pan (1999)
- Grease
- La magia de Broadway (1999-2000)
- Annie'
- Hermanos de sangre
Premios editar
Notas editar
- ↑ "Beatriz Luengo". Arquivado dende o orixinal o 12 de decembro de 2009. Consultado o 13 de novembro de 2009.
- ↑ "A serie española 'Un paso adiante' triunfa na televisión francesa". Arquivado dende o orixinal o 14 de xuño de 2009. Consultado o 13 de novembro de 2009.
Ligazóns externas editar
| Wikimedia Commons ten máis contidos multimedia na categoría: Beatriz Luengo |