Bandeira de San Tomé e Príncipe
A bandeira nacional de San Tomé e Príncipe foi adoptada o 5 de novembro de 1975, pouco despois da súa independencia de Portugal.
| Bandeira de San Tomé e Príncipe | |
|---|---|
 | |
| Características | |
| Uso | |
| Proporción | 1:2 |
| Adopción | 5 de novembro de 1975 |
| Cores | Vermello Amarelo Verde Negro |
Cores e simbolismo editar
O triángulo vermello simboliza a loita pola independencia e as dúas estrelas negras simbolizan a súa unión cos demais países africanos e tamén representan ás dúas principais illas do país, a de San Tomé e a de Príncipe. O verde, amarelo e vermello son as cores do panafricanismo. O amarelo tamén se pode explicar por ser a cor dos froitos da planta do cacao e o verde pola vexetación tropical do arquipélago.
Historia editar
Esta bandeira foi empregada polo partido independentista do Movimento de Libertação de São Tomé e Príncipe (MLSTP), que pretendía conseguir a independencia, a única diferenza coa bandeira actual era que as bandas horizontais tiñan longos iguais. Foi adoptada o 5 de novembro de 1975, tan só catro meses despois da independencia do arquipélago.