Bandeira de Abkhazia
A bandeira de Abkhazia (en abkhazo: Аҧсуа абыраҟ) foi adoptada polo goberno separatista de dito territorio o 23 de xullo de 1992. Esta bandeira consta de catro franxas verdes e tres franxas brancas. No cantón atópase un rectángulo vermello que contén a palma dunha man rodeada parcialmente por sete estrelas de cinco puntas.
| Bandeira de Abkhazia | |
|---|---|
 | |
| Características | |
| Uso | |
| Proporción | 1:2 |
| Adopción | 23 de xullo de 1992 |
| Cores | Vermello Verde Branco |
Características editar
Suponse que o cantón vermello coa palma e as estrelas era empregado previamente como símbolo do Reino de Abkhazia durante os séculos XIII e XIV. As sete estrelas representarían ás sete provincias históricas do país: Sadzen (Dzhigetia), Bzyp, Gomaa, Abzhwa, Samurzaq'an, Dal-Ts'abal e Pshoy-Aybga. Algúns relatos de mercadores xenoveses describirían o uso desta bandeira na actual cidade de Suxumi. Por outro lado, as sete franxas representan a tolerancia relixiosa entre o islam e o cristianismo e tamén lembran á antiga bandeira da República Montañosa do Cáucaso.
Previamente, como parte da Unión Soviética, a bandeira constaba simplemente dun campo vermello coa imaxe do sol de bordos amarelos no cantón rodeado na parte superior polas letras CCP e na inferior por Аҧсны, que significan RSS (República Socialista Soviética) e Abkhazia en lingua abkhaza.
En 1978, unha nova bandeira foi adoptada oficialmente. Esta constaba dun campo vermello cun sol de cor celeste no cantón xunto ao símbolo da fouce e martelo e a estrela vermella. Ademais, unha franxa horizontal celeste situábase na metade superior da bandeira e baixo o cantón estaba escrita en letras douradas a sigla АҧACCP.
-
-
Estandarte presidencial -
Marcha con exhibindo a bandeira -
Mulleres cun vestido coas cores da bandeira -
Rapaces coa bandeira -
Helicóptero ondeando a bandeira
Véxase tamén editar
Outros artigos editar
Ligazóns externas editar
- Abkhazia en Flags of the World (en inglés)