Autosuficiencia
A autosuficiencia é o estado no que o abastecemento de bens económicos unicamente depende dun mesmo; de xeito que non se require axuda, apoio ou interacción externa para a supervivencia. É unha forma de completa autonomía persoal ou colectiva,[1] identificada coa independencia nos seus aspectos económicos.
Pode denominarse tamén autoconsumo posto que esa situación só pode conseguirse plenamente cando o produtor é o seu propio consumidor: produce todo (e unicamente) o que vai consumir e consome unicamente (e todo) o que produce.
Pode aplicarse de forma parcial (grao de autoabastecemento, medido en porcentaxe), ou restrinxirse a un só sector, como a alimentación ou a enerxía: autoabastecemento alimentario, autoabastecemento enerxético, etc. O termo oposto é o de dependencia: dependencia alimentaria, dependencia enerxética, etc. Tamén pode estenderse o uso do termo ó capital ou a tecnoloxía (autosuficiencia ou dependencia de capital e autosuficiencia ou dependencia tecnolóxica).
Notas editar
- ↑ Maurice Grenville Kains (1973). Five acres and independence. ISBN 978-0-486-20974-6.
Véxase tamén editar
Wikimedia Commons ten máis contidos multimedia na categoría: Autosuficiencia  |
Ligazóns externas editar
- Foundation for Self-Sufficiency in Central America (en inglés)
- Development Initiatives Strategies for Self-Sustainability Arquivado 17 de outubro de 2019 en Wayback Machine. (en inglés)