Atiu

Atiu, tamén coñecida como Enuamanu (Terra de paxaros), atópase a 187 km de distancia de Rarotonga, no grupo meridional das Illas Cook.

Atiu
Situación
País	Illas Cook
Mar	Océano Pacífico
Coordenadas	18°50′S 159°45′O
Xeografía
Xeoloxía	Illa volcánica
Superficie	26´9 km²
Longura máxima	7´2 km.
Largura máxima	4´8 km.
Punto máis alto	70 m.
Demografía
Capital	Mapumai
Poboación	297 (2016)
Lingua propia	Lingua maorí das Illas Cook

Xeografía

Atiu é unha illa volcánica rodeada por un arrecife de coral que posúe paredes de coral fosilizado de ata 6 m de altura. As paredes, de medio quilómetro de ancho, bordean a illa formando unha plataforma virtual. É un tipo de illa denominado makatea a partir da illa Makatea das Tuamotu. No interior do anel, a erosión creou unha zona de terra cultivable (café e vainilla), cuxa altura crece ata o centro da illa onde se atopa un outeiro de 71 m de altura.

Esta mesma erosión provocou que a costa estea chea de covas e túneis, onde aniñan diversas especies de aves, entre elas a salangana Aerodramus sawtelli (tamén coñecida como Collocalia sawtelli), denominada kōpeka na lingua maorí das Illas Cook, un endemismo da illa.

A superficie total é de 27 km². A temperatura é suave cunha media que oscila entre os 24º e os 26 °C.

Asentamentos humanos

Ao contrario da maioría de illas da Polinesia, a poboación vive no centro da illa en cinco aldeas moi próximas: Areora, Ngatiarua, Teenui, Mapumai e Tengatangi. En marzo de 2003, a poboación ascendía a 571 habitantes.

Foi poboada por migracións polinesias desde as illas da Sociedade no século V. Os habitantes de Atiu eran os guerreiros máis temidos das illas Cook, e a súa historia inclúe diversos ataques sanguinarios ás illas veciñas. O primeiro europeo que chegou foi o inglés James Cook en 1777. O segundo foi o evanxelista protestante John Williams, que deixou dous misioneiros de Tahaa.

Mapa da illa

Véxase tamén

Outros artigos

• Aerodramus sawtelli