Asalto do bou Eva
O asalto do bou Eva foi un dos episodios máis tráxicos da represión franquista en Galiza. O 23 de abril de 1937 oito homes e unha muller (casada dende pouco cun deles) dispoñíanse a escapar a Francia por mar dende o porto de Vigo.
Pasaxeiros editar
Os pasaxeiros, de distinta orientación política, eran os galeguistas José Losada Castelao e Manuel Rodríguez Castelao (curmáns de Alfonso Daniel Rodríguez Castelao), os socialistas Manuel Martínez Moroño, José Rodríguez Lorenzo e Fernando Rodríguez Lorenzo, e os comunistas Luís Álvarez González, Camilo Campos Méndez e o matrimonio Carmen Miguel Agra e Anxo Nogueira Nogueira.
Perfís editar
_esquina_Traves%C3%ADa_de_Vigo.jpg)
- José Losada Castelao, nado en Rianxo e de profesión mestre. Afiliado ó Partido Galeguista, curmán de Castelao. Suicidouse con 45 anos.[1]
- Manuel Rodríguez Castelao, nado en Rianxo e de profesión mestre. Curmán de Castelao. Suicidouse con 31 anos.[2]
- Manuel Martínez Moroño, nado en Vigo e de profesión mariñeiro. Suicidouse con 44 anos.[3]
- José Rodríguez Lorenzo, natural de Sárdoma, Vigo, e de profesión albanel. Suicidouse con 30 anos.[4]
- Fernando Rodríguez Lorenzo, nado en Vigo e de profesión albanel. Suicidouse con 37 anos.[5]
- Luis Álvarez González, nado en Becerreá mais residente en Vigo, era obreiro naval en Barreras. Suicidouse con 30 anos.[6]
- Camilo Campos Méndez, nado en Celanova mais residente en Vigo, era barbeiro. Suicidouse con 33 anos.[7]
- Carmen Miguel Agra, nada en Vigo, de profesión ama de casa. Suicidouse con 24 anos.[8]
- Anxo Nogueira Nogueira, nado en Vigo e afiliado á UXT. Suicidouse con 30 anos.[9]
Historia editar
Tras seren delatados, posiblemente por un tripulante, os falanxistas asaltaron o barco. Arrimaron un barco alxibe do porto e asolagaron a bodega do bou, primeiro con auga fría e despois con auga quente. Mais os tripulantes non saíron, decidiron pór fin á súa vida de maneira colectiva antes de entregárense ós falanxistas.
Este suceso foi omitido polo réxime de Francisco Franco, e nulamente difundido durante a Transición española.
Segundo Xesús Alonso Montero, presidente do Foro pola Memoria:
"Un suicidio colectivo coma o do bou Eva non sucedeu en ningún outro lugar durante a Guerra Civil [...] se este país estivese normalizado, a historia do bou Eva estaría reflectida xa en películas, en libros ou no teatro".
Na literatura editar
O relato curto "Trae os mistos, arriba España" de Inma López Silva toma como base o asalto do bou Eva. Publicado por primeira vez en 2003,[10] está recollido no seu libro Tinta (2012).
Notas editar
- ↑ Ficha de José Losada Castelao.
- ↑ Ficha de Manuel Rodríguez Castelao.
- ↑ Ficha de Manuel Martínez Moroño.
- ↑ Ficha de José Rodríguez Lorenzo.
- ↑ Ficha de Frenando Rodríguez Lorenzo.
- ↑ Ficha de Luis Álvarez González.
- ↑ Ficha de Camilo Campos Méndez.
- ↑ Ficha de Carmen Miguel Agra.
- ↑ Ficha de Anxo Nogueira Nogueira.
- ↑ "Trae os mistos, arriba España". Dialnet. Consultado o 22 de abril de 2018.
Véxase tamén editar
Outros artigos editar
- O Barco da Memoria
- Os mártires do mar
- Nuevo Emden
- Vítimas da Guerra Civil en Galicia
- As vítimas, os nomes, as voces e os lugares
Ligazóns externas editar
- Salgado, Daniel (13/1/2007). "Preparan unha homenaxe ás nove vítimas do bou 'Eva'", El País (en castelán).
- O Foro pola Memoria lembrará o desastre do bou "Eva" (Galicia-Hoxe).
- Historias para non esquecer. Matrimonio Carmen Miguel Agra e Anxo Nogueira Nogueira.
- La crueldad facciosa, ABC (Madrid), 22/05/1937, páx. 13 (en castelán).
- Asociación Cultural Bou Eva