Arao papagaio

O arao papagaio ou aro de altura (Fratercula arctica) é unha ave mariña palmípede. Caracterízase polo seu peteiro triangular e moi largo e de cor vermella, amarela e azul no verán, pero que perde a cor no inverno.

Arao papagaio
Adulto en Islandia
Estado de conservación
Pouco preocupante
Clasificación científica
Reino: Animalia Filo: Chordata Clase: Aves Orde: Charadriiformes Familia: Alcidae Xénero: Fratercula Especie: F. arctica
Nome binomial
Fratercula arctica (Linnaeus, 1758)
Mapa de biodistribución *Azul=Lugares de cría *Negro=Distribución no verán *Vermello=Distribución no inverno Mapa de biodistribución Azul=Lugares de cría Negro=Distribución no verán Vermello=Distribución no inverno
Sinonimia
Alca arctica Linnaeus, 1758

Arao papagaio

Características

É unha ave mariña pequeneira dunha lonxitude de 28–34 cm e dunha envergadura de 50–60 cm, de plumaxe negra, co peito e ventre brancos e as patas laranxas e bastante curtas.

O seu peteiro, forte e robusto, é o máis característico. Ten unha base gris azulada co extremo vermello, e presenta irisacións douradas. No inverno, porén, faise máis gris e menos rechamante.

Distribución

O seu hábitat é Europa do Norte, Islandia e o leste de Norteamérica. Ás veces achégase ata as costas de Galicia.

Etoloxía

Fratercula arctica arctica

Cría en colonias na costa, no fondo de buratos e coviñas de ata un metro, moitas veces aproveitados de tobos de coellos ou doutras aves mariñas. Nos niños deposita 1 ou 2 ovos; a femia encárgase da incubación que dura 40 días. Pasa o inverno no mar, chegando ás veces ata o Mediterráneo occidental, nesa época é cando se aproximan ás costas galegas.

Aliméntase de peixes, que complementa con crustáceos e moluscos, que capturan mergullándose no océano.