Aragonita
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2017.) |
A aragonita[1] é un mineral da clase dos carbonatos formado pola combinación do calcio, o carbono e o osíxeno, de fórmula química CaCO3 e que cristaliza no sistema ortorrómbico.
| Aragonita | |
|---|---|
 Aragonita | |
| Fórmula química | CaCO3 |
| Clase | Carbonatos |
| Sistema cristalino | Ortorrómbico |
| Cor | Branca, parda, verde, violácea ou agrisada |
| Brillo | Vítreo |
| Dureza | 3,5-4 |
| Fractura | Irregular, concoide |
| Exfoliación | Imperfecta |
| Raia | Branca |
| Densidade | 2,94 g/cm3 |
Aspecto editar
Presenta cristais de forma tabulares hexagonais, normalmente de cor branca ou parda. En ocasión os cristais crecen en forma de piña, formando maclas ou en forma de agregados radiados ou aciculares.
Lugares onde se atopa editar
A aragonita atópase en moi diversos xacementos: en zonas de oxidación, en drusas e filóns de rochas eruptivas, en arxilas e en depósitos de fontes termais. Encóntrase a miúdo en asociación co cuarzo e con minerais de oxidación.
Propiedades editar
Este mineral presenta reacción ó ácido clorhídrico, expulsando CO2 cando se pon en contacto con esta substancia.
Algunhas variedades poden presentar fluorescencia baixo os raios ultravioleta.
Outros carbonatos editar
A calcita é outro carbonato, que ademais é polimorfo da aragonita (comparte a mesma composición química).
Notas editar
- ↑ Definicións no Dicionario da Real Academia Galega e no Portal das Palabras para aragonita.