Apocalyptica

Apocalyptica
Orixe	Helsinqui, Finlandia
Período	1996 - actualidade
Xénero(s)	Metal sinfónico
Selo(s) discográfico(s)	Sony BMG, MCA, Zomba, Universal, Island Records
Membros	Eicca Toppinen ; Paavo Lötjönen ; Perttu Kivilaakso ; Mikko Sirén
Antigos membros	Antero Manninen ; Max Lilja
Na rede
	www.apocalyptica.com/

Apocalyptica é un grupo de música de Helsinqui, Finlandia, que se caracteriza por facer heavy metal utilizando violoncellos.

Historia editar

A orixe do grupo remóntase ao ano 1992 na academia de música Sibelius, onde varios amigos facían versións das súas bandas de metal favoritas cos seus violoncellos. Nun principio tocaban en campamentos e festas por diversión, pero logo empezaron a tocar en clubs.

No ano 1996, mentres tocaban no Heavy Metal Club Theatre, Kari Hynninen, representante do celo Zen Garden viunos e propúxolles gravar un disco. Como a maioría das súas versións eran de Metallica, gravaron un disco exclusivamente con cancións de dita banda, nacendo así Plays Metallica by Four Cellos.

En 1998 lanzaron o seu segundo álbum, Inquisitión Symphony comezando a súa primeira xira mundial. Este álbum estaba composto por versións de Metallica e outras bandas coma Sepultura, Pantera ou Faith No More, ademais de tres temas compostos por Eicca Toppinen. Tras este álbum Antero Manninen abandonou a banda para continuar os seus estudos de música clásica, e foi substituído por Perttu Kivilaakso. Este non puidera entrar na banda anteriormente debido a que era menor de idade.

No ano 2000 cambiaron de discográfica e lanzaron o seu terceiro álbum, Cult, composto case esclusivamente por composicións de Eicca Toppinen, ademais de dúas versións de Metallica e outra do compositor Edvard Grieg, "Hall of the mountain king". Neste álbum fixeron por primeira vez colaboracións vocais. Un ano despois sacaron o seu primeiro DVD en vivo, Live. Co cambio de discográfica houbo fortes discusións entre Eicca Toppinen e Max Lilja, ata o punto de que este último abandonou a banda. Como non había quen o substituíse o grupo pasou a ser un trío e Antero Manninen regresa á banda só para acompañalos nalgúns directos. No ano 2002 lanzaron o seu primeiro recompilatorio, The best of Apocalyptica.

No ano 2003 lanzaron o seu cuarto albúm, Reflections, onde se abandonan as versións e se inclúen composicións de Eicca Toppinen e de Perttu Kivilaakso. Tamén engaden batería a algunhas cancións, tras tocar en directo con Dave Lombardo, antigo batería de Slayer. Na súa xira invitaron ó batería Mikko Sirén, que pasou a formar parte oficial da banda no ano 2005. Nese mesmo ano lanzaron o seu quinto álbum de estudio, Apocalyptica.

No ano 2006 sacan o seu segundo recompilatario como conmemoración do décimo aniversario da banda, Amplified, a Decade of Reinventing the Cello. Ese mesmo ano sacaron o seu segundo DVD en vivo, The Life Burn Tour.

En maio de 2007 Helsinqui foi a cidade anfitrioa do festival de Eurovisión, e Apocalyptica tocaron tres temas no intermedio entre as actuacións e as votación. Catro meses máis tarde lanzaron o seu sexto álbum de estudio, Worlds Collide.

Entre febreiro e marzo de 2010 realizaron a súa xira Kaamos Tour^[1], onde tocan os seus dous novos temas "Sacra" e "Beautiful", do seu álbum 7th Symphony, gravado no Sonic Pump Studios en Finlandia e no Studio City en Los Ángeles.

Membros editar

Actuais editar

Eicca Toppinen - Violoncello (1992)
Paavo Lötjönen - Violoncello (1992)
Perttu Kivilaakso - Violoncello (1999)
Mikko Siren - Batería (2003; membro oficial a partir de decembro do 2005)

Antigos editar

Antero Manninen - violoncello (1992 - 1999), tras a marcha de Max Lilja participou nalgúns concertos.
Max Lilja - violoncello (1992 - 2003), actualmente toca na banda finlandesa Hevein.