Toni Dovale
Antonio Rodríguez Dovale, coñecido como Toni Dovale, nado na Coruña o 4 de abril de 1990, é un futbolista galego. Xoga como extremo no Eastern SC, da Primeira División de Hong Kong. Debutou como profesional en 2009 nas filas do Celta de Vigo, e durante os seguintes anos militou en clubs de seis países (España, Estados Unidos, a India, Chipre, Tailandia e Hong Kong).
| Toni Dovale | |||
|---|---|---|---|
_Toni_(cropped).jpg) | |||
| Información persoal | |||
| Nome | Antonio Rodríguez Dovale | ||
| Nacemento | 4 de abril de 1990 | ||
| Lugar de nacemento | A Coruña | ||
| Altura | 1,77 m. | ||
| Posición | Dianteiro | ||
| Información de club | |||
| Club actual | Eastern SC | ||
| Número | 21 | ||
| Carreira xuvenil | |||
| Ural CF | |||
| 2000–2002 | Obradoiro | ||
| 2002–2005 | Barcelona | ||
| 2005–2007 | Celta de Vigo | ||
| Carreira sénior | |||
| Anos | Equipos | Aprs | (Gls) |
| 2007–2011 | Celta B | 26 | (6) |
| 2009–2014 | Celta de Vigo | 34 | (2) |
| 2011 | → Huesca | 16 | (1) |
| 2014 | Sporting Kansas City | 19 | (1) |
| 2015 | Lugo | 20 | (3) |
| 2015–2017 | Leganés | 14 | (1) |
| 2017 | → Rayo Vallecano | 2 | (0) |
| 2017–2018 | Bengaluru | 12 | (0) |
| 2018–2019 | Nea Salamis | 0 | (0) |
| 2018–2019 | → East Bengal | 11 | (0) |
| 2019 | Navy FC | 8 | (2) |
| 2021 | CD El Ejido | 18 | (0) |
| 2021– | Eastern SC | 4 | (0) |
|
Partidos e goles só en liga doméstica. Club: actualizado a 12 de xaneiro de 2022 [ editar datos en Wikidata ] | |||
Traxectoria editar
Comezos editar
Nado na Coruña, comezou xogar desde cativo no Ural e no Obradoiro para finalmente no ano 2002 recalar nas categorías inferiores do FC Barcelona. En 2005 regresou a Galiza para xogar nas categorías inferiores do Celta de Vigo.
Celta de Vigo editar
Con 19 anos debutou profesionalmente co club vigués, sendo titular no partido que enfrontou aos celtiñas contra o Numancia no Estadio de Balaídos o 29 de agosto de 2009. O partido, correspondente á primeira xornada da tempada 2009/10 da Segunda División, rematou con derrota para os locais por 1–2.[1] Disputou un total de 16 encontros esta tempada, marcando dous goles, contra Las Palmas e Nàstic.
Despois dunha breve cesión en 2011 ao Huesca, da mesma categoría, na tempada 2011–12 disputou 34 partidos co Celta e anotou dous goles, contribuíndo deste xeito ao regreso do club celeste á Primeira División despois de cinco anos de ausencia. Fixo o seu debut na máxima categoría o 18 de agosto de 2012 na derrota por 0–1 ante o Málaga CF. Aínda que o seu futuro semellaba incerto no Celta despois da chegada do adestrador Luis Enrique no verán de 2013, ficou finalmente no club onde foi reconvertido a lateral esquerdo.
Sporting Kansas City editar
En marzo de 2014 desvencellouse do Celta e asinou co Sporting Kansas City da Major League Soccer estadounidense.[2] Alí marcou o seu primeiro gol o 27 de maio, no empate 1-1 na casa ante os New York Red Bulls. O 19 de agosto debutou nunha competición continental, na primeira xornada da Liga de Campións da CONCACAF contra o Real Estelí no estadio Independencia de Nicaragua, marcando o gol que colocou o empate definitivo 1-1. No seguinte encontro do torneo, marcou dous goles na vitoria por 3-1 sobre o Deportivo Saprissa de Costa Rica.[3]
Lugo editar
Tras a fin da tempada da MLS, volveu a Galiza para adestrar co Club Deportivo Lugo da Segunda División, club polo que fichou finalmente o 29 de xaneiro de 2015 até final de tempada. Xogou 20 partidos no equipo de Quique Setién, anotando 3 goles.
Leganés e cesión a Vallecas editar
En xuño de 2015 fichou polo Leganés, tamén de Segunda.[4] Disputou 18 encontros no equipo adestrado por Asier Garitano, e conseguiu o seu segundo ascenso a Primeira. Na seguinte tempada no contou con minutos e no mercado invernal saíu cedido ao Rayo Vallecano.
Bengaluru editar
En 2017 volveu saír ao estranxeiro, fichando polo Bengaluru indio. No equipo de Bangalore tivo como adestrador ao catalán Albert Roca e entre os seus compañeiros a Miku, Juanan, Dani Segovia ou Víctor Pérez.[5] En febreiro de 2018 fixo historia ao ser o primeiro futbolista do club en marcar un triplete nunha competición oficial da AFC. Foi nun partido da Copa AFC contra o TC Sports maldivano.[6] Acabou a tempada como subcampión da Superliga da India, por detrás do Chennaiyin.
Nea Salamis e cesión ao East Bengal editar
En setembro de 2018 fichou polo Nea Salamis de Chipre, e uns meses despois regresou á India, cedido polo club chipriota ao East Bengal de Calcuta. Co club calcutense, adestrado polo asturiano Alejandro Menéndez, rematou subcampión da I-League, só por detrás do Chennai City.
editar
En 2019 sumou un novo país á súa traxectoria, asinando co Navy FC da segunda división de Tailandia. O equipo de Chonburi, que viña de descender dende a máxima categoría, realizou unha mala tempada, e acabou no antepenúltimo posto.
El Ejido editar
Despois de rematar a tempada co club tailandés, regresou a Galiza, onde o sorprendeu a pandemia de COVID-19. Coa carreira de Farmacia rematada dende había uns anos, aproveitou para facer as prácticas na farmacia da súa familia na Coruña.[7][8] Uns meses despois comezou a adestrar co Racing de Ferrol, e en xaneiro de 2021 asinou co CD El Ejido, co que disputou o que restaba da tempada 2020/21 da Segunda División B.[9]
Eastern SC editar
En setembro de 2021 volveu facer as maletas, esta vez con destino a Hong Kong, onde fichou polo Eastern SC, club da Primeira División dirixido por un adestrador galego, o Chino Losada.[10] Debutou na máxima categoría hongkonesa nun partido contra o Kitchee no estadio Mong Kok.[11]
Estatísticas editar
| Club | Tempada | Liga | Copa | Continental | Outros[N 1] | Total | |||||
|---|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | Partidos | Goles | ||
| Celta de Vigo B | 2007–08 | 5 | 0 | 0 | 0 | - | - | - | - | 5 | 0 |
| 2008–09 | 1 | 0 | 0 | 0 | - | - | - | - | 1 | 0 | |
| 2009–10 | 20 | 6 | 0 | 0 | - | - | - | - | 20 | 6 | |
| Total club | 26 | 6 | 0 | 0 | 0 | 0 | 0 | 0 | 26 | 6 | |
| Celta de Vigo | 2009–10 | 12 | 2 | 4 | 0 | - | - | - | - | 16 | 2 |
| 2010–11 | 0 | 0 | 1 | 0 | - | - | - | - | 1 | 0 | |
| Huesca | 2010–11 | 16 | 1 | 0 | 0 | - | - | - | - | 16 | 1 |
| Celta de Vigo | 2011–12 | 30 | 2 | 4 | 1 | - | - | - | - | 34 | 3 |
| 2012–13 | 14 | 0 | 2 | 0 | - | - | - | - | 16 | 0 | |
| 2013–14 | 12 | 0 | 1 | 0 | - | - | - | - | 13 | 0 | |
| Total club | 68 | 4 | 12 | 1 | 0 | 0 | 0 | 0 | 80 | 5 | |
| Sporting Kansas City | 2014 | 19 | 1 | - | - | 4 | 3 | - | - | 23 | 4 |
| Lugo | 2014–15 | 20 | 3 | 0 | 0 | - | - | - | - | 20 | 3 |
| Leganés | 2015–16 | 14 | 1 | 4 | 0 | - | - | - | - | 18 | 1 |
| 2016–17 | 0 | 0 | 1 | 0 | - | - | - | - | 1 | 0 | |
| Total club | 14 | 1 | 5 | 0 | 0 | 0 | 0 | 0 | 19 | 1 | |
| Rayo Vallecano | 2016–17 | 2 | 0 | 0 | 0 | - | - | - | - | 2 | 0 |
| Bengaluru FC | 2017–18 | 12 | 0 | 4 | 0 | 6 | 3 | - | - | 22 | 3 |
| Nea Salamis | 2018–19 | 0 | 0 | 0 | 0 | - | - | - | - | 0 | 0 |
| East Bengal | 2018–19 | 11 | 0 | 0 | 0 | - | - | - | - | 11 | 0 |
| Navy FC | 2019 | 8 | 2 | 0 | 0 | - | - | - | - | 8 | 2 |
| El Ejido | 2020–21 | 18 | 0 | 0 | 0 | - | - | - | - | 18 | 0 |
| Eastern SC | 2021–22 | 4 | 0 | 1 | 1 | 0 | 0 | 6 | 1 | 11 | 2 |
| Total carreira | 218 | 18 | 22 | 2 | 10 | 6 | 6 | 1 | 256 | 27 | |
- ↑ Inclúe partidos da Sapling Cup.
Notas editar
- ↑ "La efectividad del Numancia azota el perdón vigués" [A efectividade do Numancia azouta o perdón vigués] (en castelán). Marca. 29 de agosto de 2009.
- ↑ "Toni se desvincula del Celta y ficha por el Kansas City". Marca (en castelán). 11 de marzo de 2014. Consultado o 12 de xaneiro de 2022.
- ↑ "Toni: 'Mr. Concachampions'". Marca (en castelán). 6 de febreiro de 2018. Consultado o 12 de xaneiro de 2022.
- ↑ "Toni Dovale, zurdo de clase para el ataque" (en castelán). 10 de xullo de 2015. Consultado o 1 de marzo de 2023.
- ↑ Castro, Xosé Ramón (12 de marzo de 2018). "Toni Dovale, futbolista en tres continentes" (en castelán). Consultado o 12 de xaneiro de 2022.
- ↑ "Toni Dovale hace historia en el Bengalaru indio". La Voz de Galicia (en castelán). 21 de febreiro de 2018. Consultado o 12 de xaneiro de 2022.
- ↑ Núñez, Alfonso (26 de marzo de 2020). "Toni Dovale: el coruñés que cambió el fútbol por la farmacia por el coronavirus" (en castelán). Consultado o 12 de xaneiro de 2022.
- ↑ Polo, Edu (20 de marzo de 2020). "Un futbolista en la farmacia". Mundo Deportivo (en castelán). Consultado o 12 de xaneiro de 2022.
- ↑ "El coruñés Toni Dovale firma por El Ejido". La Voz de Galicia (en castelán). 5 de xaneiro de 2021. Consultado o 12 de xaneiro de 2022.
- ↑ "El excéltico Toni Dovale jugará en la Premier League de Hong Kong" (en castelán). 15 de setembro de 2021. Consultado o 12 de xaneiro de 2022.
- ↑ "Kitchee - Eastern". Transfermarkt (en inglés). Consultado o 12 de xaneiro de 2022.
Véxase tamén editar
Wikimedia Commons ten máis contidos multimedia na categoría: Toni Dovale  |
Ligazóns externas editar
- Datos do xogador en BDFutbol (en castelán).
- Datos do xogador en Transfermarkt (en inglés).