Antonio Gandoy
Antonio Gandoy Díaz, nado en Sanfiz de Muxa, Lugo o 7 de xullo de 1930 e finado [onde?] o 11 de febreiro de 2002, foi un crego galego coñecido polo alcume do "cura da bibicleta"[1] e polo seu labor social.
  | |
| Biografía | |
|---|---|
| Nacemento | 7 de xullo de 1930 Lugo, España |
| Morte | 11 de febreiro de 2002 (71 anos) |
| Datos persoais | |
| País de nacionalidade | España |
| Actividade | |
| Ocupación | sacerdote |
Traxectoria editar
En 1942, ingresou na antiga Escola de Traballo para estudar carpintería coma seu pai e comezou a traballar como carpinteiro na construción onde coñeceu de primeira man as condicións laborais dos obreiros. En 1947, fundou xunto cun grupo de mozos a JOAC (Juventud Obrera de Acción Católica) en Lugo e, en 1950, ingresou no Seminario.[2] En 1956, xunto con outros mozos creou no Seminario o grupo "Jesús Obrero", que tiña como obxectivo coñecer a situación do mundo obreiro.[2]
En 1961, foi ordenado sacerdote e destinado como axudante á parroquia de San Francisco Javier de Lugo, encargándose da parroquia anexa de Sanfiz de Muxa e, en 1962, recibiu o encargo de atender a JOC.[2]
En 1974, foi elixido Secretario da Acción Rexional das Cáritas de Galicia dende onde levou a cabo accións de rehabilitación de alcohólicos, atención a persoas da terceira idade, inmigrantes[2] e dende onde impulsou a creación de Preescolar na Casa.[3] A partir de 1986 foi nomeado polo Bispo de Lugo delegado en Cáritas Diocesana de Lugo, que compaxinou coa coordinación de Preescolar na Casa.
Preescolar na casa editar
Tamén foi coñecido por se-lo impulsor do programa educativo Preescolar na Casa en 1977. Foi un programa promovido por Cáritas de Galicia que pretendía apoiar ás familias do rural para que fomentaran as capacidades dos seus fillos a través da educación.[2]
Despois de 35 anos funcionando, en 2012, a Xunta de Galicia retiroulle tódalas axudas ao programa educativo e negouse a mantelo afirmando que estaba obsoleto. Perdéronse 32 postos de traballo e quedaron sen atención máis de 3.000 familias en toda Galiza.[4][5]
En febreiro de 2013, un feixe de antigos traballadores crearon a Asociación Socio-Educativa Antonio Gandoy co fin de mante-lo seu legado.[6][7] Así, recuperaron a marca Preescolar na casa, que conseguiron en poxa pública, e continuaron co servizo.[8]
Premios e recoñecementos editar
Antonio Gandoy recibiu varios premios[3] e homenaxes:
- Lucense do ano (1990)[9]
- Cruz de Prata da Solidariedade Social (1995)[9][10]
- "Infancine-94" pola súa traxectoria con Preescolar na casa (1994)
- Premio "Moncho Valcárcel"(1995)[3]
- Premio "Infancia" [cando?]
- Premio Iniciativas Culturales [cando?]
- Premio "Lobo de Cinema" [cando?]
- Premio Irmandade do Libro [cando?]
O Concello de Lugo puxo seu nome a un Centro Social e a unha praza, na que, por iniciativa popular e con achegas económicas dos veciños da cidade,[11] colocouse, en xullo de 2004, unha estatua homenaxe realizada por Juan Puchades Quilis na que se representa a súa imaxe: “O cura da bicicleta”.[12] Na placa conmemorativa indícase:
| “ | "Lugo a Antonio Gandoy Díaz (1930-2002)
Crego exemplar, home bo e xeneroso" |
” |
Notas editar
- ↑ Rey, Lucía (09 novembro de 2013). "El nuevo Preescolar na Casa orienta ya a casi 90 familias de toda Galicia". La voz de galicia (en castelán). Consultado o 28 marzo 2018.
- ↑ 2,0 2,1 2,2 2,3 2,4 Pumariño, Alejandro Fernández (2002). "Antonio Gandoy Díaz: a tenacidade pola xustiza". Encrucillada: Revista galega de pensamento cristián 26 (127): 86–91. ISSN 1131-6519.
- ↑ 3,0 3,1 3,2 "Antonio Gandoy Díaz". galiciadigital.com. Consultado o 28 marzo 2018.
- ↑ Pérez Pena, Marcos (28-11-2013). "La manera más eficaz de acabar con el rural es eliminar los servicios educativos". eldiario.es (en castelán). Arquivado dende o orixinal o 05-07-2019. Consultado o 5-7-2019.
- ↑ Vázquez, Beti (18-12-2012). "Negar un millón a Preescolar na Casa, regalar tres a escolas da Igrexa". sermosgaliza.gal. Arquivado dende o orixinal o 05-07-2019. Consultado o 5-7-2019.
- ↑ "A TIC apoia á Asociación Antonio Gandoy, continuadora do labor de Preescolar na Casa". deputacionlugo.gal. 5-11-2013. Arquivado dende o orixinal o 05-07-2019. Consultado o 5-7-2019.
- ↑ "Entrevista: “Espazo das familias”, o legado de Antonio Gandoy". irimegos.wordpress.com. 21-7-2017. Arquivado dende o orixinal o 05-07-2019. Consultado o 5-9-2019.
- ↑ Rey, Lucía (22-3-2013). "A asociación Antonio Gandoy comprou a maioría dos bens da extinta Preescolar na Casa". lavozdegalicia.es (en castelán). Consultado o 5-7-2019.
- ↑ 9,0 9,1 "Antonio Gandoy". esculturaurbanaaragon.com.es. Arquivado dende o orixinal o 05-07-2019. Consultado o 5-7-2019.
- ↑ "Orden de 3 de febrero de 1995 por la que se concede la Cruz de Plata de la Orden Civil de la Solidaridad Social a don Antonio Gandoy Díaz". boe.es (en castelán). 24 de febreiro de 1995. Arquivado dende o orixinal o 17-04-2019. Consultado o 5-7-2019.
- ↑ "Antonio Gandoy Díaz". Asociación socio-educativa Antonio Gandoy. Arquivado dende o orixinal o 06-07-2019. Consultado o 6-7-2019.
- ↑ "Cumplido el objetivo de instalar la estatua, la asociación para el homenaje a Antonio Gandoy se disuelve". 13 decembro 2004. Consultado o 9 abril 2018.
Véxase tamén editar
Bibliografía editar
- Fernández Pumariño, Alejandro (marzo-abril 2002). "Antonio Gandoy Díaz. A tenacidade pola xustiza". Encrucillada. Revista de pensamento cristián 26 (127): 86–91. ISSN 1131-6519. Arquivado dende o orixinal o 04 de xaneiro de 2019. Consultado o 05 de xullo de 2019.