Antoni Gaudí
Antoni Gaudí Cornet, nado en Reus ou en Riudoms[1] (Cataluña) o 25 de xuño de 1852 e finado en Barcelona, o 10 de xuño de 1926, foi un arquitecto catalán, recoñecido internacionalmente como un dos xenios máis relevantes da súa disciplina.[2][3] O seu estilo, moi complexo de clasificar, pódese definir como unha mestura entre o Art Nouveau (modernismo) e o Neogótico, aínda que elementos cubistas e surrealistas en xeral atópanse nalgunhas das súas obras.
| Antoni Gaudí | |
|---|---|
.jpg) | |
| Nacemento | 25 de xuño de 1852 |
| Reus, Riudoms e Mas de la Calderera | |
| Falecemento | 10 de xuño de 1926 e 1926 |
| Barcelona | |
| Área | Arquitectura |
| Educación | Escola Técnica Superior de Arquitectura de Barcelona e Escola de Llotja |
| Movemento | Modernismo |
| Obras | Palau Güell Casa Milà Cripta e fachada do Nacemento da Sagrada Familia Casa Vicens Casa Batlló Cripta da Colònia Güell Torre Figueres-Bellesguard |
| Nacionalidade | España |
| Sinatura |  |
| [ editar datos en Wikidata ] | |
A súa contribución á arquitectura é única e está considerado como un dos máximos expoñentes do modernismo.[4] Dende a súa nenez, Gaudí foi un atento observador da natureza, da cal lle atraían as formas, as cores e a xeometría. Católico confeso, moi reservado e profundamente catalanista, morreu despois de ser atropelado por un tranvía na cidade de Barcelona, lugar onde se atopaba a traballar na súa derradeira obra, o Templo expiatorio da Sagrada Familia, obra aínda en construción.[5]
A súa formación editar
Fixo os seus estudos de bacharelato nas Escolas Pies de Reus. Logo de rematar no Instituto trasladouse á cidade de Barcelona para estudar no Instituto de Ensino Medio e na Facultade de Ciencias. Neste tempo Antoni moraba co seu irmán en réxime de alugueiro nun barrio de Barcelona, preto da Igrexa de Santa María, a cal lle inspiraría partes do seu traballo posteriormente. Logo da súa estadía na Facultade de Ciencias, aprobou o exame de ingreso na Escola provincial de Arquitectura de Barcelona, onde se graduou en 1878, obtendo o título de Arquitecto.
Desenvolvemento editar
A súa vida profesional tivo lugar na meirande parte en Barcelona, cidade na que vivía por aquel entón. A primeira etapa da súa formación coincidiu cunha situación social caracterizada por un grande desenvolvemento económico e urbanístico da cidade. A puxanza dunha clase media con interese de parecerse ás tendencias da Europa naquel momento e o fenómeno da Renaixença fixeron de bos ingredientes para a imaxinación e orixinalidade do arquitecto.
Non debemos esquecer a grande influencia do seu colaborador, o tamén arquitecto J.M. Jujol, do cal provén, entre outras cousas, a característica tipografía que podemos observar nas obras gaudinianas.
A familia Güell editar
A vida e obra de Gaudí estiveron amplamente ligadas á familia Güell, de grande importancia e prestixio tanto no económico coma no artístico. O Conde Güell fixo de mecenas para un novo Gaudí, encomendándolle moitos dos seus edificios máis representarivos e coñecidos, como por exemplo o Palau Güell, a Cripta da Colonia Güell e o arquicoñecido Parc Güell entre outros traballos.
Familia e relixiosidade editar
O propio Antoni estaba moi ligado á súa familia: de seu pai e de seu avó aprendeu parte do oficio de traballar o ferro, o cal usaría nalgunhas das súas obras, facendo extraordinarios elementos de carpintaría. Moi afectado pola morte dos seus pais e logo a morte de seu irmán, Gaudí foise facendo cada vez máis introvertido, concentrándose só no seu traballo e estudo. Fixo moita amizade cos altos cargos da Igrexa española daquel momento, sendo íntimo amigo do arcebispo de Astorga, onde pasou unha tempada da súa vida e onde se ocupou do deseño do Pazo Episcopal. Pero non foi esta a súa única obra dedicada á Igrexa, a Cripta da colonia Güell, a reforma da catedral de Mallorca e o colexio de Santa Teresa foron feitas pola práctica dunha das súas obsesións en vida, o Catolicismo.
Principais proxectos editar
- Barcelona
- A Sagrada Familia
- Palau Güell
- Parc Güell
- Casa Milá
- Casa Calvet
- Casa Vicens
- Casa Batlló
- Bellesguard
- Colexio Santa Teresa
- León
- Pazo Episcopal (Astorga)
- A casa Botines
- Mataró
- Cooperativa Obrera
- Comillas, Cantabria
- O Capricho
- La Pobla de Lillet
- Xalet de Catllaràs
- Xardíns Artigas
Recoñecementos editar
O ano 2002 foi o ano Internacional dedicado Gaudí.
Notas editar
- ↑ Existe unha certa polémica sobre se naceu en Reus ou en Riudoms, localidade moi achegada a Reus, de onde era orixinaria a súa familia paterna. Ademais, gran parte dos especialistas inclínanse por Reus: «Gaudí naceu, segundo gran parte das versións, na rúa de Sant Joan, a carón da praza Prim de Reus». Gijs Van Hensbergen (2002), páx. 33-35.
- ↑ Álvarez Izquierdo, Rafael (1999). Gaudí: arquitecto de Dios (1852-1926) (en castelán). Palabra. pp. p.160. ISBN 848239360X.
- ↑ Genís Terri, Jaume (2009). Gaudí, entre l'arquitectura cristiana i l'art contemporani. L'Abadia de Montserrat. pp. p.138. ISBN 8498831997.
- ↑ D. Rodríguez (2008) pàg.53
- ↑ Gijs van Hensbergen (2002) páx. 301
Véxase tamén editar
Wikimedia Commons ten máis contidos multimedia na categoría: Antoni Gaudí  |
Outros artigos editar
- Obras de Antoni Gaudí (Patrimonio da Humanidade)
- Organicismo arquitectónico
- Estilo Internacional (arquitectura) - En inglés modernism, non confundir con 'modernismo'
- Modernismo
- Modernismo catalán
- Art Nouveau
- Arts & Crafts
- Trencadís
Ligazóns externas editar
- Páxina web sobre Gaudí (en catalán, inglés e castelán)
- Taller de Escultura Luís Gueilburt-Colección Antoni Gaudí
- Gaudi 2002Arquivado 10 de maio de 2008 en Wayback Machine., páxina adicada á conmemoración do ano Gaudí.
- Cronoloxía completa e artigo sobre Gaudí