Anna Russell
Anna Worsley Russell, nada en Bristol en novembro de 1807 e finada en Kenilworth (Reino Unido) o 11 de novembro de 1876,[1][2] foi unha botánica e micóloga inglesa. Foi descrita como "quizais a máis capaz e máis destacada muller do campo da botánica do seu tempo".[3]
| Biografía | |
|---|---|
| Nacemento | novembro de 1807  Bristol |
| Morte | 11 de novembro de 1876 (68/69 anos) Kenilworth |
| Datos persoais | |
| País de nacionalidade | Reino Unido de Gran Bretaña e Irlanda |
| Actividade | |
| Campo de traballo | Botánica |
| Ocupación | botánica , coleccionista de plantas , micóloga , ilustrador científico |
| Membro de | |
| Lingua | Lingua inglesa |
| Obra | |
| Abreviación dun autor en botánica | A.W.Russell |
| Arquivos en | |
| Familia | |
| Parentes | Samuel Butler (pt)  (sobriño) |
Traxectoria editar
Anna naceu en novembro de 1807 en Bristol, e foi unha de polo menos sete fillos nados de Philip John Worsley, que era un refinador de azucre. Na súa familia eran de relixión unitarista e como varios dos seus membros tiñan intereses científicos dende nena foi animada no seu interese pola historia natural. Ao principio estudou entomoloxía, pero máis tarde interesouse polas plantas. O cuñado de Anna, Thomas Butler, quen máis tarde sería o reitor dunha parroquia preto de Nottingham e pai do novelista Samuel Butler, tiña un grande interese na botánica e puido ter influído en Anna.[3][4]
En 1835, publicouse o primeiro volume da New Botanist's Guide de Hewett Cottrell Watson, que contiña contribucións substanciais de Worsley, a saber, unha lista de plantas con flores na área de Bristol. Isto trouxo unha maior atención ao seu traballo e en 1839 publicou o seu Catalogue of Plants, found in the Neighbourhood of Newbury (en galego: Catálogo de Plantas, atopadas no Barrio de Newbury),[5] desenvolvido en trinta e unha páxinas e incluíu os primeiros rexistros en Berkshire de máis de sesenta especies. Pronto uniuse á Sociedade Botánica de Londres e contribuíu activamente aos seus intercambios de mostras.[4] Tamén desenrvolveu interese polos musgos e fungos.[3]
Worsley casou con Frederick Russell en 1844. Russell tamén era un unitarista e un botánico e foran amigos dende varios anos. Russell acompañaba a Worsley nas expedicións de recoleccións de plantas e recollía algúns espécimes para ela. Ao principio viviron en Brislington, cerca de Bristol, pero en 1856 trasladáronse a Kenilworth, Warwickshire. Estudou os fungos na área local, publicando un artigo no Journal of Botany sobre especies locais raras e realizando máis de setecentos trinta debuxos.[3][4]
[3]Anna Russell morreu en Kenilworth o 11 de novembro de 1876. O seu marido tiña morto antes que ela e non tiñan fillos. Deixou os seus debuxos ao Museo de Historia Natural de Londres, onde aínda se conservan, e o seu herbario e colección de ovos de aves ao Instituto de Birmingham e Midland.[3][4]
Abreviatura (botánica): editar
- A abreviatura A.W.Russell emprégase para indicar a Anna Russell como autoridade na descrición e clasificación científica dos vexetais.[6]
Notas editar
- ↑ Desmond (1994), p. 599
- ↑ Ogylvie (2003), p. 1136
- ↑ 3,0 3,1 3,2 3,3 3,4 3,5 Creese (2000), p. 31-32
- ↑ 4,0 4,1 4,2 4,3 Allen, D.E. «Russell [née Worsley], Anna (1807–1876), botanist», na edición on-line do Oxford Dictionary of National Biography (precisa subscrición) (en inglés).(https://doi.org/10.1093/ref:odnb/56451)
- ↑ Stafleu (1976-1988), p. 1003
- ↑ "A.W.Russell". IPNI-The International Plant Names Index (en inglés). Consultado o 23-07-2018.
Véxase tamén editar
Bibliografía editar
- Creese, Mary R.S. (2000). Ladies in the Laboratory? American and British Women in Science, 1800–1900: A Survey of Their Contributions to Research (en inglés). Lanham, MD (USA): Scarecrow Press. ISBN 9780585276847.
- Desmond, Ray (1994). Dictionary Of British And Irish Botantists And Horticulturalists Including plant collectors, flower painters and garden designers (en inglés) (2ª, revisada ed.). CRC Press. ISBN 9780850668438.
- Ogilvie, Marilyn; Harvey, Joy (2003). The Biographical Dictionary of Women in Science: Pioneering Lives From Ancient Times to the Mid-20th Century (en inglés). Abingdon (Oxfordshire): Routledge. ISBN 9781135963439.
- Stafleu, Frans Antonie; Cowan, Richard S. (1976-1988). Taxonomic literature: a selective guide to botanical publications and collections with dates, commentaries and types (en inglés). IV (P/Sak) (2ª ed.). Utecht/Antwerpen: Scheltema & Holkema. ISBN 90-313-0549-9.