Ambrym
Coordenadas: 16°20′00″S 168°20′00″L / -16.333333333333, 168.33333333333
Ambrym é unha illa e un volcán de Vanuatu, coñecida pola súa actividade volcánica que inclúe a formación de lagos de lava. Nela atópase a montaña Maroum. Preto da illa hai dúas pequenas illas sen nome que albergan as cidades de Liro e Loulep nunha, e noutra as cidades de Holen e Halos.
Ambrym | |
---|---|
Localización | |
Imaxe do Volcán Ambrym lanzando lava e cinzas, 4 de outubro de 2004 | |
Situación | |
País | Vanuatu |
Provincia | Malampa |
Arquipélago | Novas Hébridas |
Mar | Océano Pacífico |
Xeografía | |
Xeoloxía | Volcánica |
Superficie | 677´7 km² |
Perímetro | 125,8 km |
Punto máis alto | 1334 m |
Demografía | |
Poboación | 7275 hab. (2009) |
Densidade | 10,73 hab./km² hab./km² |
Ambrym | |
---|---|
Lago de lava no cráter Marum, Ambrym, nunha foto tomada o 24 de setembro de 2009 | |
Localización administrativa | |
Localización | Vanuatu |
Características xerais | |
Altitude | 1334 m |
Etimoloxía editar
Ambrym (tamén coñecida como Ambrin[1]) chámase así polo Capitán Cook, que ancorou alí en 1774. Quere dicir "aquí están os iñames" ("ham rim" na lingua Ranon)[2]
Xeografía editar
Situado preto do centro do longo arquipélago de Vanuatu, Ambrym ten unha forma aproximadamente triangular, de aproximadamente 50 km. de ancho[3] e 677´7 km² de superficie, é a quinta illa máis grande do país.
O cume no centro da illa está dominado por unha caldeira desértica, que abarca unha superficie de 100 km².[Cómpre referencia]
Coa excepción dos asentamentos humanos, o resto da illa está cuberta por espesa selva.
Vulcanoloxía editar
Ambrym é un gran volcán basáltico cunha caldeira de 12 km de ancho, e un dos volcáns máis activos do arco volcánico das Novas Hébridas.
A caldeira é o resultado dunha grande erupción pliniana, que tivo lugar ao redor do 50 AD. A súa forza explosiva ten o Índice de explosividade volcánica 6, o segundo máis alto do Instituto Smithsoniano na lista das maiores erupcións volcánicas da historia xeolóxica recente.[4]
A gran caldeira de 1900 anos de antigüidade 12 km x 8 km ten dous conos volcánicos activos, o Benbow e o Marum (tamén deletreado Maroum).
Mentres que nas elevacións máis altas predominan os conos de cinza, o extremo occidental da illa caracterízase por unha serie de aneis de toba basáltica, das cales o máis grande ten aproximadamente 1 km de diámetro. Estes prodúcense por erupcións freáticas, cando o magma entra en contacto co nivel freático e a auga saturada de sedimentos ao longo da costa.[5]
Varias veces por século, o volcán Ambrym ten erupcións destrutivas.
A última erupción do monte Benbow foi en 1913, provocando a evacuación da poboación a Mele, preto de Port Vila en Efaté.
Demografía editar
Coa veciña illa de Malakula e algunhas illas máis pequenas, Ambrym forma a provincia de Malampa. O seu asentamento máis grande é o pobo de Eas. A poboación segundo o Censo Nacional de Poboación e Vivenda de 2009 era de 7.275 habitantes,[6] viven principalmente das plantacións de coco.
Idiomas editar
Do mesmo xeito que moitas illas de Vanuatu, Ambrym ten a súa propia Lingua Austronesia. No norte atópase a Lingua Ambrym norte, no sueste a Lingua Ambrym sueste, no sur a Lingua Daakaka, no oeste Lingua lonwolwol, e no suroeste Lingua Port Vato. Todas son faladas duns poucos centos a uns miles de falantes cada unha.
Pequenas illas próximas ao sur editar
Cidades e pobos editar
Turismo editar
Os turistas séntense atraídos polas características únicas de Ambrym: os volcáns activos, a vexetación tropical, e os costumes dos poboadores locais. Quédanse en bungalows de estilo tradicional, xa que non hai hoteis da illa.
Notas editar
- ↑ "Ambrim: Vanuatu, name, geographic coordinates and map". Geographical Names. Consultado o 2011-07-29.
- ↑ "Ambrim". Destination Vanuatu, South Pacific. Arquivado dende o orixinal o 01 de marzo de 2012. Consultado o 2011-07-29.
- ↑ "Ambrym Volcano, Vanuatu". John Seach. Consultado o 2011-07-29.
- ↑ "Large Volcano Explocivity Index". geographic.org. Arquivado dende o orixinal o 24 de xullo de 2011. Consultado o 2011-07-29.
- ↑ "Ambrym Volcano, Vanuatu". Countries of the World (en inglés). Consultado o 2011-07-29.
- ↑ 2009 National Census of Population and Housing, Vanuatu National Statistics Office