Aleixo V Ducas
Aleixo V Ducas Murtzouphlos ou Murzuflo, finado en 1205, foi proclamado emperador bizantino o 5 de febreiro de 1204, durante o asedio de Constantinopla polos latinos da Cuarta Cruzada. O seu sobrenome Murzuflo facía referencia ás súas poboadas cellas. Tiña relacións familiares coa liña imperial dos Anxo.
.png)  | |
| Nome orixinal | (el) Αλέξιος Ε' Δούκας Μούρτζουφλος |
|---|---|
| Biografía | |
| Nacemento | 1140 (Gregoriano) Constantinopla |
| Morte | decembro de 1204 (63/64 anos) Constantinopla (Imperio Latino) |
| Causa da morte | Caída de altura |
| Lugar de sepultura | Rodas |
| Emperador bizantino | |
| 5 de febreiro de 1204 – 13 de abril de 1204 ← Isaac II Anxo, Aleixo IV Anxo – Teodoro I Láscaris → | |
| Datos persoais | |
| País de nacionalidade | Imperio Bizantino |
| Relixión | Igrexa ortodoxa de Constantinopla |
| Actividade | |
| Ocupación | monarca |
| Familia | |
| Familia | Dinastia dos Ducas (pt)  |
| Cónxuxe | Eudóxia Angelina (pt) (1204–1204) |
Traxectoria editar
Como nobre bizantino, ascendera na corte ata o cargo de protovestiarios na época da Cuarta Cruzada. En xaneiro de 1204, os emperadores Isaac II e Aleixo IV Anxo inspiraban xa pouca confianza á poboación de Constantinopla na súa defensa da cidade ante os latinos. Grazas ao seu cargo, Aleixo Ducas tiña fácil acceso á residencia imperial, e cando se desatou a revolta na cidade para destronar aos dous emperadores Anxo, Aleixo fixo uso de devandito acceso para capturalos. O xove Aleixo IV sería morto na refrega. A morte do seu pai, Isaac II, pouco despois, posibelmente foi "inducida de xeito artificial".
Tras a súa coroación, Aleixo V comezou a reforzar as defensas de Constantinopla e puxo fin ás negociacións cos latinos. Pero era demasiado tarde, xa non había tempo para o novo emperador: durante o combate que se produciu, defendeu a cidade con coraxe e tenacidade. Os cruzados demostraron ser demasiado fortes, e Aleixo tivo que fuxir a Tracia pouco despois de que a cidade caese.
A continuación, intentou aliarse co seu coemperador Aleixo III Anxo contra os latinos, pero Aleixo III cegouno e púxoo en mans dos cruzados, que o axustizaron como o asasino de Aleixo IV. Foi o último emperador bizantino antes do establecemento do Imperio Latino, que dominaría Constantinopla durante os seguintes 57 anos.
| Imperio Bizantino | ||
|---|---|---|
Segue a: Isaac II Anxo |
Aleixo V Ducas | Precede a: Teodoro I Láscaris |
| Dinastía Anxo | ||