Alboraia
Alboraia (en valenciano: Alboraia, en castelán: Alboraya) é un concello da Comunidade Valenciana, situado na zona norte da área metropolitana de Valencia, na comarca da Horta Nord, da que conserva todo o sabor típico da de la horta valenciana, é chamada por iso como "El portal de l'Horta" ("O Portal da Horta"). Con 22.174 habitantes (2008) a vila é coñecida por ser o berce da orchata.
| |||||
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Comunidade Valenciana | ||||
| Provincia | provincia de Valencia | ||||
| Comarcas da Comunidade Valenciana | Horta Nord  | ||||
| Capital | Alboraya | ||||
| Poboación | |||||
| Poboación | 25.792 (2023) (3.107,47 hab./km²) | ||||
| Lingua oficial | lingua catalá (lingua predominante) lingua castelá | ||||
| Xeografía | |||||
| Superficie | 8,3 km² | ||||
| Bañado por | Mar Mediterráneo | ||||
| Altitude | 5 m | ||||
| Comparte fronteira con | |||||
| Santo padrón | Cristovo de Licia | ||||
| Organización política | |||||
| • Alcalde | Miguel Chavarría Díaz (en)  | ||||
| Identificador descritivo | |||||
| Código postal | 46120 | ||||
| Fuso horario | |||||
| Prefixo telefónico | 96 | ||||
| Código INE | 46013 | ||||
| ARGOS ID (en) | 46013 | ||||
| Outro | |||||
| Irmandado con | |||||
| Páxina web | alboraia.es | ||||
Xeografía editar
O termo municipal aínda conserva amplas zonas de horta, con cultivos intensivos que constitúen a riqueza fundamental que sempre tivo esta terra. A medida que pasan os anos, a extensión de horta vaise reducindo, debido á presión urbanística. A designación da cidade de Valencia como cidade sede da Copa América 2007, supuxo un desenvolvemento importante para os terreos para a urbanización do sector terciario no municipio de Alboraia, debido á súa proximidade co futuro campo de regatas, a dispoñibilidade dun porto deportivo activo e a actual situación dos seus tres polígonos industriais. Isto tivo como consecuencia que unha porcentaxe aproximada do 75% dos equipos regatistas fixeron as súas bases de operacións para o evento deportivo nesta poboación.
Con todo, dado que hai esas grandes zonas de regadío, o termo divídese en oito partidas: Calvet, Desamparats, Mar, Massamarda, Masquefa, Miracle, Savoia e Vera.
Pódese acceder a esta localidade a través da liña 3 de MetroValencia con dúas estacións na poboación, Alboraia-Palmaret e Alboraia-Peris Aragó. O Concello ofrece ao pobo un servizo local de autobús, que percorre os núcleos de poboación de Alboraia.
Almàssera polo noroeste, Meliana polo norte, Tavernes Blanques polo oeste, Valencia cidade polo sur e o mar Mediterráneo polo leste. Todas da Horta Nord.
Demografía editar
A poboación medrou moito nos últimos anos; así, no ano 1986 vivían 11.267 persoas, pasando no ano 2002 a subir até os 18.656, dos cales, o 58,84% declaraban no censo de 2001 que sabían falar valenciano. Hoxe conta cunha poboación de 22.174 habitantes (2008).
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2000 | 2005 | 2008 |
|---|---|---|---|---|---|---|---|---|---|---|---|---|
| 4.700 | 4.807 | 5.712 | 6.124 | 6.749 | 6.885 | 8.073 | 9.126 | 10.727 | 11.687 | 16.943 | 20.514 | 22.174 |
Economía editar
A actividade económica da poboación distribúese da seguinte maneira (datos de 1994): o 45,80% traballa no sector servizos, o 33% na industria, o 16,70% na agricultura e, finalmente, o 3,60% na construción. O cultivo máis importante é o da chufa, coa que se fai a coñecida orchata de Alboraia.
Véxase tamén editar
Ligazóns externas editar
| Commons ten máis contidos multimedia sobre: Alboraia |