Alberto Vázquez

Alberto Vázquez Rico, nado na Coruña en 1980, é un debuxante de banda deseñada, ilustrador e director de cine galego.

Alberto Vázquez

Biografía
Nacemento	13 de outubro de 1980 (43 anos) A Coruña, España
Datos persoais
País de nacionalidade	España
Educación	Universidade de Vigo
Actividade
Campo de traballo	Ilustración, Caricatura, historieta, deseño gráfico e cinema de animación
Ocupación	deseñador gráfico , caricaturista , creador de banda deseñada , deseñador , realizador , ilustrador , cineasta , animador , artista de banda deseñada , director de cinema , guionista
Lingua	Lingua castelá
Páxina web	albertovazquez.net

Polo seu traballo no cine gañou tres Premios Goya.

Traxectoria

Comezou a estudar Belas Artes na Universidade de Vigo e licenciouse pola Universidade de Valencia. O seu labor como debuxante de banda deseñada arrinca en 2001. Foi un dos cofundadores do selo editorial Polaqia, co que publicou o seu primeiro álbum en solitario en 2002. Tamén dirixiu el mesmo fanzines, como Fanzine enfermo, e participado noutros de relevancia ibérica como Nostros somos los muertos ou Dos veces breve. Como ilustrador, ten desenvolvido diversos traballos para xornais e revistas, entre eles El País.

Pero é sobre todo coñecido pola súa faceta como autor de novelas gráficas. Unha desas obras, Psiconautas, foi levada ao cinema nunha produción guionizada e dirixida conxuntamente por el e mais polo vasco Pedro Rivero, baixo o nome Birdboy. Esta curtametraxe de animación gañou o Premio Goya á mellor curtametraxe de animación e foi preseleccionada para os Oscar.

Posteriormente realizou unha longametraxe baseada nesa curta, Psiconautas, los niños olvidados. O filme gañou o Goya á mellor película de animación en 2017. Nese mesmo ano, Alberto Vázquez levou outro Goya pola súa curta "Decorado".

Ademais é percusionista na banda de pop Mano de obra.

Filmografía

Longametraxes

• Psiconautas, los niños olvidados (2016)
• Unicorn Wars (2022)

Curtametraxes

• Birdboy (2011)
• Sangre de unicornio (2013)
• Decorado (2016)

Galardóns e nomeamentos

Premios Goya

Ano	Categoría	Filme	Resultado
2011	Mellor curtametraxe de animación	Birdboy	Gañador
2014	Mellor curtametraxe de animación	Sangre de unicornio	Nomeado
2016	Mellor película de animación	Psiconautas, los niños olvidados	Gañador
2016	Mellor curtametraxe de animación	Decorado	Gañador

• Premio ao Mellor filme de animación no Festival de Derry por Birdboy.
• Premio á Mellor curtametraxe de Animación do Festival de Cans en 2011 por Birdboy.
• Premio Platino á Mellor película de animación por Psiconautas, los niños olvidados.
• Premio á Mellor longametraxe de animación do Festival de Stuttgart por Psiconautas, los niños olvidados.
• Premio á Mellor longametraxe no Festival Internacional de Cine de Animación Golden Kuker de Sofía por Psiconautas, los niños olvidados.
• Premio do xurado á mellor curtametraxe de animación no Festival de Cans (2017) por Decorado.

Outros traballos

Como debuxante

• Alter ego (Polaqia, 2002)
• Freda (Edicions de Ponent, 2003), con Kike Benlloch. Nomeado como mellor autor novel nos premios do Salón Internacional de Cómic de Barcelona e para os White Ravens de literatura infantil.
• Psiconautas (Astiberri Ediciones, 2006). Nomeado ao mellor autor revelación nos salóns de banda deseñada de Madrid e Barcelona e ao mellor debuxo no de Barcelona.
• El evangelio de Judas (2007). Premio do público ao mellor debuxo no Salón Internacional de Cómic de Barcelona (2008).

Como ilustrador

• Hop Frog, de Edgar Allan Poe (Oqo, 2008)
• Verbas de sal, de Antonio García Teijeiro (Xerais, 2011).
• Poe, de Jordi Sierra i Fabra (Libros del zorro rojo).
• La sombra sobre Innsmouth, de H. P. Lovecraft (Astiberri Ediciones, 2010).

Como músico

• Imperio cobra, Mano de obra. 2010
• Cámara de cría, Mano de obra. 2012 (pendente de publicación)

Véxase tamén

Ligazóns externas

• Web persoal
• Blog en Blogspot.
• Ficha de Alberto Vázquez en IMBb (en inglés).