Alan Jones (piloto)

Alan Stanley Jones, nado o 2 de novembro de 1946 en Melbourne, Australia, foi o primeiro piloto en gañar un campionato de Fórmula 1 para o equipo Williams. Tivo unha sólida carreira na Fórmula 1 a fins dos anos setenta e principios dos oitenta.

Alan Jones

Biografía
Nacemento	(en) Alan Stanley Jones 2 de novembro de 1946 (77 anos) Melbourne, Australia
Datos persoais
País de nacionalidade	Australia
Educación	Xavier College (en)
Actividade
Campo de traballo	Fórmula 1
Ocupación	xornalista , piloto de automobilismo , piloto de Fórmula Un
Lingua	Lingua inglesa
Deporte	automobilismo
Traxectoria   Equipo Vehículo empregado - WilliamsF1 - Shadow Racing Cars - Surtees - Arrows
Participou en
	24 Horas de Le Mans
Premios  membro da Orde do Imperio Británico

Os seus inicios

Alan é fillo de Stan Jones, un coñecido corredor australiano e de mozo sempre quixo seguir os pasos do seu pai. En 1976, Alan partiu cara a Europa para coller fama como corredor, pero inicialmente non tivo moito éxito. Levoulle 6 anos lograr bos resultados nun coche de Fórmula 3. En 1974, logrou un contrato na Fórmula Atlántica, e o dono do seu equipo conseguiulle unha oportunidade na tempada seguinte de F1, xa que comprara un monpraza de carreiras pertencente ao equipo Hesketh.

Fórmula 1

Logo de catro carreiras na F1, o equipo decidiu abandonar a categoría, pero Alan continuou xa que foi contratado como piloto suplente de Rolf Stommelen do equipo de Graham Hill.

Alan logrou o posto de primeiro piloto en 1976, no equipo de John Surtees. O monpraza de Jones foi coñecido principalmente polo controvertido patrocinio de Durex, pero el logrou obter bos resultados, como a cuarta posición no Gran Premio do Xapón. Surtress despediuno a fin de ano, por pelexas internas, e Jones foise a correr a Estados Unidos, pero pronto foi chamado polo equipo Shadow como substituto de Tom Pryce, que falecera nun accidente no Gran Premio de Suráfrica. Alan aproveitou esta oportunidade e logrou a súa primeira vitoria en Österreichring, terminando sétimo no campionato.

Jones foi fichado por Frank Williams, quen estaba en proceso de reconstruír o seu equipo da F1. Williams Grand Prix loitará ferozmente por lograr un éxito, e Jones estaba decidido a darlles a primeira vitoria. Inicialmente non logrou moito, só destacando o segundo lugar en Watkins Glen, pero en 1979 logrou pór ao seu equipo no mapa, gañando catro carreiras consecutivas, cerca do final do campionato. Jones terminou a tempada terceiro e proseguiu en 1980 cunha excelente campaña.

En 1980 obtivo 4 vitorias e tiña un vehículo capaz de chegar ao podio, alcanzándoo 10 veces ao longo do ano. Ao terminar a tempada, Jones leváballe a Nelson Piquet unha vantaxe de 13 puntos na táboa de posicións, e convertíase no primeiro campión australiano desde Jack Brabham. Tiña grandes oportunidades de repetir a fazaña ao ano seguinte, pero unha relación moi competitiva co piloto Carlos Reutemann levou a unha rivalidade moi intensa que probablemente lles custou a ambos os corredores o campionato dese ano. Jones terminou terceiro a 4 puntos de Piquet e a 3 de Reutemann.

Logo desa tempada, Jones anunciou a súa retiro, pechando a súa carreira cunha vitoria en Las Vegas, pero volveu do retiro para unha soa carreira co equipo Arrows en 1983. Dous anos máis tarde, foi creado o equipo Haas, e Jones foi contratado como primeiro piloto. Correu a tempada completa en 1986 (a súa primeira en 5 anos), pero ao non lograr unha campaña exitosa, deixou completamente a Fórmula 1

Logo da F1

Dedicouse a correr no Campionato Australiano de Autos de Turismo (ATCC) e tamén foi comentarista de televisión.

Desde entón, Jones estivo involucrado na versión Australiana da Fórmula A1, participando como director de Equipo. Quixo correr no Gran Premio de Mestres en Kylami en novembro de 2005, pero tivo que declinar por problemas de pescozo.

Resultados completos en Fórmula 1

(Carreiras en letra grosa indica pole position)

Ano	Equipo	1	2	3	4	5	6	7	8	9	10	11	12	13	14	15	16	17	Posición	Puntos
1975	Hesketh	ARX DNP	BRA DNP	RSA DNP	ESP Ret	MON Ret	BEL Ret	SUE 11											17º	2
	Hill								HOL 13	FRA 16	GBR 10	ALE 5	AUT DNP	ITA DNP	USA DNP
1976	Surtees	BRA DNP	RSA DNP	USW Ret	ESP 9	BEL 5	MON Ret	SUE 13	FRA Ret	GBR 5	ALE 10	AUT Ret	HOL 8	ITA 12	CAN 16	USA 8	JAP 4		15º	7
1977	Shadow	ARX DNP	BRA DNP	RSA Ret	USW Ret	ESP Ret	MON 6	BEL 5	SUE 17	FRA Ret	GBR 7	ALE Ret	AUT 1	HOL Ret	ITA 3	USA Ret	CAN 4	JAP 4	7º	22
1978	Williams	ARX Ret	BRA 11	RSA 4	USW 7	MON Ret	BEL 10	ESP 8	SUE Ret	FRA 5	GBR Ret	ALE Ret	AUT Ret	HOL Ret	ITA 13	USA 2	CAN 9		11º	11
1979	Williams	ARX 9	BRA Ret	RSA Ret	USW 3	ESP Ret	BEL Ret	MON Ret	FRA 4	GBR Ret	ALE 1	AUT 1	HOL 1	ITA 9	CAN 1	USA Ret			3º	40
1980	Williams	ARX 1	BRA 3	RSA Ret	USW Ret	BEL 2	MON Ret	FRA 1	GBR 1	ALE 3	AUT 2	HOL 11	ITA 2	CAN 1	USA 1				1º	67
1981	Williams	USW 1	BRA 2	ARX 4	SMR 12	BEL Ret	MON 2	ESP 7	FRA 17	GBR Ret	ALE 11	AUT 4	HOL 3	ITA 2	CAN Ret	LVG 1			3º	46
1983	Arrows	BRA DNP	USW Ret	FRA DNP	SMR DNP	MON DNP	BEL DNP	USA DNP	CAN DNP	GBR DNP	GER DNP	AUT DNP	HOL DNP	ITA DNP	EUR DNP	RSA DNP			21º	0
1985	Lola	BRA DNP	POR DNP	SMR DNP	MON DNP	CAN DNP	USA DNP	FRA DNP	GBR DNP	ALE DNP	AUT DNP	HOL DNP	ITA Ret	BEL DNP	EUR Ret	RSA NTS	AUS Ret		23º	0
1986	Lola	BRA Ret	ESP Ret	SMR Ret	MON Ret	BEL 11	CAN 10	USA Ret	FRA Ret	GBR Ret	ALE 9	HUN Ret	AUT 4	ITA 6	POR DNP	MEX Ret	AUS Ret		12º	4

Predecesor: Jody Scheckter

Campión da Fórmula 1 1980

Sucesor: Nelson Piquet