Akira Yoshizawa
Akira Yoshizawa (吉澤 章 Yoshizawa Akira?), nado en Tochigi, o 14 de marzo de 1911, finado o 14 de marzo de 2005 en Toquio. Foi un notábel mestre do origami xaponés. Recoñéceselle ter elevado o origami dende a artesanía ou o pasatempo á condición artística, sendo polo tanto un dos "pais do origami".[1] De acordo a unha estimación propia de 1989, creara máis de 50 000 modelos, dos cales só uns poucos centos de deseños foron publicados nos seus dezaoito libros. Segundo a tradición máis pura do origami, para os seus deseños nunca empregou tesoiras, pegamento ou adornos adicionais ás figuras.
  | |
| Biografía | |
|---|---|
| Nacemento | 14 de marzo de 1911 Kaminokawa, Xapón (pt)  |
| Morte | 14 de marzo de 2005 (94 anos) Toquio, Xapón |
| Causa da morte | Morte natural (Pneumonía ) |
| Datos persoais | |
| País de nacionalidade | Xapón |
| Actividade | |
| Campo de traballo | Origami |
| Lugar de traballo | Toquio |
| Ocupación | artista |
| Lingua | Lingua xaponesa |
Premios | |
 | |
Ó longo da súa carreira, Yoshizawa levou a cabo labores de embaixador cultural internacional do Xapón. En 1983, o emperador xaponés Hirohito outorgoulle a Orde do Sol Nacente, unha das maiores honras que pode recibir un cidadán xaponés.
O 14 de marzo de 2012, Akira Yoshizawa foi homenaxeado por Google cun doodle conmemorativo do 101º aniversario do seu nacemento.[2]
Notas editar
- ↑ Akira Yoshizawa Origami Biography Arquivado 03 de agosto de 2016 en Wayback Machine. (en inglés) Consultado o 14/3/2012.
- ↑ "Akira Yoshizawa celebrated by Google doodle".
| Wikimedia Commons ten máis contidos multimedia na categoría: Akira Yoshizawa |