Aina Calvo

Aina Calvo Sastre, nada en Palma en 1969, é unha política mallorquina pertencente ao Partido Socialista Obreiro Español.

Aina Calvo

(2018)
Biografía
Nacemento	(ca) Aina Calvo Sastre 13 de maio de 1969 (54 anos) Palma, España
10ª Government Delegate in the Balearic Islands (en)
11 de febreiro de 2020 – ← Rosario Sánchez Garau (en) Lexislatura: XIII lexislatura de España Nomeado por: Pedro Sánchez
Q55658967
13 de xullo de 2018 – 13 de febreiro de 2020 ← Luis Tejada Chacón (pt) – Ángeles Moreno Bau →
Alcaldesa de Palma
16 de xuño de 2007 – 11 de xuño de 2011 ← Catalina Cirer Adrover (en) – Mateu Isern →
Member of the Parliament of the Balearic Islands (en)
19 de xuño de 2003 – 3 de xuño de 2004 – Andreu Crespí Plaza (en)  → Lexislatura: Q28710686 Circunscrición electoral: Mallorca Electo en: Balearic regional election, 2003 (en)
Datos persoais
País de nacionalidade	España
Educación	Universidade das Illas Baleares
Actividade
Ocupación	política
Empregador	Universidade das Illas Baleares
Partido político	Partido Socialista Obrero Español
Membro de	Socialist Party of the Balearic Islands (en)
Lingua	Lingua castelá
Páxina web	ainacalvo.com

Traxectoria

Residiu en Zaragoza por motivos laborais familiares até 1983, cando regresa a Palma. Cursou estudos en Glasgow primeiro como estudante de posgrao cunha bolsa Erasmus e, máis adiante, como profesora da Universidade de Strathclyde.

É Doutora en Pedagoxía e profesora do Departamento de Ciencias da Educación da Universidade das Illas Baleares en situación de servizos especiais; profesora visitante da Universidade de Edimburgo. En 2003 afíliase ao PSIB-PSOE, sendo elixida deputada no Parlamento das Illas Baleares. Formou parte do Ministerio de Asuntos Exteriores e de Cooperación como Subdirectora Xeral de Cooperación e Promoción Cultural da Axencia Española de Cooperación Internacional entre 2004 e 2006, cando é designada candidata do PSIB ao Concello de Palma. Nas eleccións municipais do 27 de maio de 2007 a súa candidatura queda en segundo lugar, pero consegue formar goberno grazas a un pacto con UM. Con todo, en febreiro de 2010 creba o pacto de goberno ao expulsar os concelleiros de UM tras ser sospeitosos de corrupción, gobernando o resto da lexislatura en minoría. Perdeu as eleccións municipais do 22 de maio de 2011, manténdose como portavoz do Grupo Municipal.

Durante o 38º Congreso do PSOE, formou parte do equipo de Carme Chacón na súa candidatura á secretaría xeral do PSOE, que foi derrotada pola de Alfredo Pérez Rubalcaba.

En marzo de 2012, dimite como secretaria xeral da Agrupación Socialista de Palma. Non obstante, tras a dimisión do seu sucesor, postúlase para dirixir de novo a agrupación local. O 6 de xullo de 2012 volve ser elixida secretaria xeral da Agrupación Socialista de Palma, obtendo o 64,7% dos votos fronte ao 35% do seu rival Jaume Garau.

En 2014 presentouse ás primarias para ser candidata do PSIB-PSOE á presidencia do Govern de les Illes Balears, que finalmente gañou Francina Armengol cun 54,58%. Calvo logrou un 45,65%.

Aina Calvo abandonou o concello de Palma nas eleccións de 2015 despois de oito anos, catro no goberno como alcaldesa e catro na oposición. En xullo de 2015 reincorporouse como profesora á Universidade das Illas Baleares.

En xullo de 2018 foi nomeada directora da Axencia Española de Cooperación Internacional para o Desenvolvemento (AECID), en substitución de Luis Tejada. Tomou posesión o 13 de xullo.

Cargos desempeñados

• Deputada no Parlamento Balear (2003-2004)
• Concelleira no Concello de Palma (2007-2015)
• Alcaldesa de Palma (2007-2011)
• Secretaria xeral do PSOE de Palma (2008-2012)
• Portavoz do Grupo Socialista no Concello de Palma (2011-2015)
• Secretaria xeral da Agrupación Socialista de Palma (2007-2017)

Predecesor: Catalina Cirer	Alcaldesa de Palma 2007-2011	Sucesor: Mateu Isern
Predecesor: José Hila Vargas	Portavoz do Grupo Socialista no Concello de Palma 2011-2015	Sucesor: Joan Ferrer

Véxase tamén

Ligazóns externas

• Sitio web oficial Arquivado 02 de febreiro de 2022 en Wayback Machine.