Aguia rapaz

A aguia rapaz (Aquila rapax), é unha ave de rapina de tamaño grande, de aspecto externo moi semellante ó da Aquila nipalensis.

Descrición

Miden entre 62 e 72 cm de lonxitude, cunha envergadura de ás de entre 165 e 185 cm. A súa cor varía entre diversos matices do castaño, máis leonado na parte inferior e con plumas anegradas na cola e as ás. A parte inferior do lombo é moi pálida. Son algo máis pequenas e pálidas cá Aquila nipalensis da que se diferencian ademais por carecer de tons pálidos na gorxa. As aves inmaturas teñen a plumaxe menos contrastada cós adultos, aínda que amosan unha gran variedade de tons.

A súa chamada característica recorda algo a do corvo, pero son en xeral aves silenciosas, agás durante o cortexo.

Clasificación

A aguia rapaz foi considerada coma a unha especie única coa Aquila nipalensis. Foron separadas en especies distintas a raíz de estudos que amosaron claras diferenzas anatómicas e morfolóxicas (Clark, 1992; Olson, 1994; Sangsteret al., 2002) e grazas ás análises moleculares amosan que non son mesmo parentes moi próximos.

Distribución e hábitat

Crían na maior parte de África, ó norte e ó sur do Sáhara, e no suroeste tropical de Asia ata á India. Ö longo de toda a súa distribución prefiren biótopos secos e abertos coma estepas, sabanas, desertos e semidesertos

Bioloxía

Poñen dun a tres ovos nun niño de cotelos feito nas árbores, nun acantilado ou no chan. A súa dieta componse basicamente de calaza, por ben que tamén cazan mamíferos de ata o talle dun coello, réptiles e aves da ata o talle dunha galiña de Guinea. Ocasionalmente rouban as presas doutras aves de rapina.

Galería

• 
  Masai Mara, Kenya
• 
  Jaisalmer, India
• 
  Jaisalmer, India
• 
  Jaisalmer, India
• 
  Jaisalmer, India
• 
  Museum specimen

Véxase tamén

Bibliografía

• Clark, W. S. (1992): "The taxonomy of Steppe and Tawny Eagles, with criteria for separation of museum specimens and live eagles". Bulletin of the British Ornithologists 112: 150–157.
• Olson, Storrs L. (1994): "Cranial osteology of Tawny and Steppe Eagles Aquila rapax and A. nipalensis". Bulletin of the British Ornithologists' Club 114: 264–267.
• Sangster, George; Knox, Alan G.; Helbig, Andreas J. & Parkin, David T. (2002): "Taxonomic recommendations for European birds". Ibis 144(1): 153–159. PDF fulltext
• Aguia rapaz na Lista vermella de especies ameazadas da IUCN