Aeroporto de Kristiansand, Kjevik
O aeroporto de Kristiansand, Kjevik (IATA: KRS, OACI: ENCN) é un aeroporto internacional que serve á cidade norueguesa de Kristiansand, no condado de Vest-Agder. Está situado no distrito de Tveit, a uns 8 quilómetros do centro de Kristiansand. Operado pola empresa estatal Avinor, é o único aeroporto da rexión de Sørlandet con voos regulares. No ano 2016 pasaron polas súas instalacións un total de 1 019 379 pasaxeiros.[1] Os voos regulares son operados por Scandinavian Airlines, Norwegian Air Shuttle, Widerøe, KLM Cityhopper e Wizz Air. A Real Forza Aérea de Noruega ten un centro de adestramento no aeroporto.[2]
Aeroporto de Kristiansand, Kjevik Kristiansand lufthavn, Kjevik
| |||
|---|---|---|---|
| |||
| Sumario | |||
| Tipo | público | ||
| Operador | Avinor | ||
| Cidade/Illa | Kristiansand | ||
| Localización | Kjevik | ||
| Elevación (msnm) | 17 metros / 57 pés | ||
| Coordenadas | Coordenadas: 58°12′14″N 8°05′06″L / 58.203888888889, 8.085 | ||
| Web | |||
| Pista(s) | |||
| Dirección | Longo | Superficie | |
| metros | pés | ||
| 03/21 | 2 035 | 6 677 | asfalto |
| Estatísticas (2016) | |||
| Pasaxeiros | 1 019 379 | ||
Kjevik inaugurouse o 1 de xuño de 1939. Durante a segunda guerra mundial foi ocupado e ampliado pola Luftwaffe. A súa situación ao sur do país fixo que durante os seus primeiros anos recibise varias rutas internacionais, ademais de servizos domésticos. Braathens SAFE operou voos domésticos dende 1955 ata a súa desaparición en 2004. KLM voou ata 1971, e posteriormente Dan-Air abriu rutas cara ao Reino Unido. A terminal tivo grandes ampliacións en 1955, 1979, 1994 e 2015. Nos anos 1966 e 2013 construíronse novas torres de control. Kjevik foi a base da aeroliña Sørfly de 1946 a 1962, de Agderfly de 1969 ata 2004, e de FlyNonstop en 2013.
Aeroliñas e destinos editar
Pasaxeiros editar
| Aeroliñas | Destinos
|
|---|---|
| Aegean Airlines | Estacional: Rodas |
| Corendon Airlines | Estacional: Antalya |
| Czech Airlines | Estacioanl: Praga |
| Danish Air Transport | Estacional: Alacant |
| Evelop Airlines | Estacional: Gran Canaria, Tenerife-Sur |
| KLM operado por KLM Cityhopper |
Ámsterdam |
| Norwegian Air Shuttle | Oslo-Gardermoen |
| Scandinavian Airlines | Oslo-Gardermoen, Trondheim (comeza en marzo de 2018) Estacional: Chania, Larnaca, Las Palmas, Málaga[3], Split, Tenerife-Sur |
| Thomas Cook Airlines Scandinavia | Estacional: Palma De Mallorca |
| Widerøe | Bergen, Copenhague, Florø, Kristiansund, Stavanger, Trondheim |
| Wizz Air | Gdańsk |
Carga editar
| Aeroliñas | Destinos
|
|---|---|
| DHL operado por West Air Sweden |
Copenhague, Ålesund |
Notas editar
- ↑ Avinor (ed.). "Statistics". Consultado o 29 de xaneiro de 2018.
- ↑ Luftforsvaret (ed.). "Kjevik". Arquivado dende o orixinal o 17 de outubro de 2017. Consultado o 29 de xaneiro de 2018.
- ↑ Routes Online (ed.). "SAS adds new European routes in S17". Consultado o 29 de xaneiro de 2018.