.cl
.cl é o Dominio de Nivel Superior xeográfico (ccTLD) para Chile creado en 1987[2]. É administrado por NIC Chile, organismo dependente da Universidade de Chile. O regulamento para o funcionamento do Rexistro de nomes de dominio .CL, vixente desde decembro de 2013, eliminou o requisito previo de identificación persoal ao momento de inscribir un nome. Excepcionalmente, NIC Chile resérvase a facultade de pedir información que comprobe a identidade do titular, cando sexa necesario.
| .cl | |
|---|---|
| Ano de creación | 1987 |
| Tipo | ccTLD |
| Estado | activo |
| Rexistrador | NIC Chile |
| Patrocinador | NIC Chile (Universidade de Chile) |
| Finalidade | Persoas naturais ou xurídicas aveciñadas ou domiciliadas en calquera parte do mundo |
| Uso actual | moi popular en Chile |
| Restricións de uso | Calquera persoa natural ou xurídica, nacional ou estranxeira pode rexistrar un nome de dominio .CL[1] |
| País | Chile  |
| Web | NIC Chile |
| [ editar datos en Wikidata ] | |
A sintaxe dos dominios que poden ser inscritos en NIC Chile (como wikipedia.cl), encóntranse descrita nas Regras de Sintaxes vixentes.
O rexistro de dominio, tanto para persoas físicas como para empresas, foi gratuíto ata 1997. Actualmente, ten un valor de CL$ 9 950 con 19 % IVE incluído polo primeiro ano de cobertura da inscrición.
Ademais de nacións como Alemaña, Austria, Brasil e Polonia, Chile permite o registro de Nome de dominio internacionalizado (IDN), é dicir, con caracteres non-ASCII.
Chile é o primeiro país de lingua castelá en permitir o rexistro de dominios con vogais acentuadas (á é í ó ú), a letra U con diérese (ü) e a letra Ñ desde o 21 de setembro de 2005[3], como por exemplo www.ñandú.cl.
Baixo este dominio, a diferenza do resto de América Latina, non existe a obriga de someterse baixo un dominio de segundo nivel (SLD); calquera rexistrante pode obter un dominio de segundo nivel.
Desde abril do 2011 soporta DNSSEC, a zona está asinada e, polo tanto, calquera dominio que queira asinar os seus rexistros pode facelo[4].
O día 23 de marzo de 2016 acadouse a cifra de 500 mil dominios rexistrados e activos[5].
Soporte para IPv6 editar
A partir do ano 2007, os nomes de dominio .CL poden informar DNS con rexistros IPv6 (AAAA)[6] e desde 2008 dispón de servidores de nome para .CL con soporte IPv6, desde a súa inclusión na raíz do DNS, en xaneiro de 2008. No informe de Hurricane Electric do 28 de maio de 2012, .cl aparece como dominio con soporte para IPv6 e con nameservers en IPv6 [7]. Para xuño de 2016, todos os seus servizos en liña son compatibles con IPv6.
Historia editar
NIC Chile ten realizado esforzos pioneiros para preparar a súa adopción planificada e exitosa das tecnoloxías IPv6. No ano 2005 obtivo o seu prefixo IPv6 (2001:1398::/32), activando conectividade IPv6 en forma experimental desde inicios de 2006. Desde mediados de 2008 contou con conectividad nativa IPv6 (dual stack) e participou en 2009 no primeiro banco de probas IPv6 de Google.
A organización fomentou e colaborou, con esforzos locais e rexionais, na sensibilización e capacitación sobre o protocolo numérico de nova xeración, participando en 2005 e 2007 nos seminarios "IPv6 Tour", organizados en Santiago de Chile xuntamente con LACNIC e a Subsecretaría de Telecomunicacións (Subtel). No ano 2011, o Laboratorio de Investigación Aplicada e Transferencia Tecnolóxica de NIC Chile, en conxunto con Subtel e co apoio da Corporación de Fomento da Produción, desenvolveron o proxecto "IPv6 para Chile"[8], orientado ao desenvolvemento dun roadmap para a posta en funcionamento de IPv6 nas principais redes de conectividade dixital de Chile, establecendo un plan que involucraba operadores, axencias gobernamentais e empresas interesadas en desenvolver o tema.[9]
Véxase tamén editar
Notas editar
Todas as referencias en castelán agás cando se indique o contrario.
- ↑ NIC Chile (decembro de 2013). "Reglamentación para el funcionamiento del Registro de Nombres del Dominio .CL" (HTML). nic.cl. Consultado o 14-7-2017.
- ↑ NIC Chile (19-11-2001). www.nic.cl, ed. "Carta enviada por el Sr. Rector de la Universidad de Chile al Sr. Contralor General de la República" (HTML). Consultado o 12-5-2011.
- ↑ NIC Chile (20-9-2005). www.nic.cl, ed. "NIC Chile anuncia modificación a la Reglamentación" (HTML). Consultado o 7-10-2015.
- ↑ NIC.cl (14-12-2011). "Extensiones de seguridad DNSSEC disponibles para todos los dominios .CL". Consultado o 7-10-2015.
- ↑ "Contador de dominios .CL - NIC Chile". www.nic.cl. Arquivado dende o orixinal o 31-03-2016. Consultado o 24-3-2016.
- ↑ "Agotamiento de direcciones IPv4 a nivel central - NIC Chile". www.nic.cl. Consultado o 9-6-2016.
- ↑ Hurricane Electric (actualizada diariamente). "Global IPv6 Deployment Progress Report" (en inglés). Consultado o 29-5-2012.
- ↑ "IP version 6 para Chile: desarrollo de roadmap para la implementación del protocolo de internet versión 6 (IPV6) para Chile e instalación del primer punto de intercambio de tráfico (PIT) y laboratorio de experimentación IPV6". corfo.cl. Arquivado dende o orixinal o 25-09-2019. Consultado o 9-6-2016.
- ↑ IPv6.cl. "IPv6 en los gobiernos". Arquivado dende o orixinal o 22-06-2012. Consultado o 29-5-2012.
Véxase tamén editar
Ligazóns externas editar
- NIC Chile (Universidad de Chile).
- Ñandú.cl Para probar se o navegador admite URL con acentos ou eñes.
- whois .cl Para buscar información whois de dominios .cl.
- Presentación en LACNIC de Plan IPv6 para Chile.
- Bot de Twitter para ver os últimos dominios rexistrados en NIC Chile.
- Libraría en Javascript (Node.js) para lista, busca e whois dos dominios rexistrados en NIC Chile.