(278361) 2007 JJ43
(278361) 2007 JJ43 é un obxecto trans-neptuniano (TNO) que orbita ó redor do Sol preto da beira exterior do cinto de Kuiper. Baseándose no brillo aparente co que aparece actualmente nos telescopios, suxeriuse a posibilidade de que poida chegar a ser clasificado coma un plutoide (un planeta anano máis aló da órbita de Neptuno), pero aínda non foi formalmente recoñecido coma tal pola Unión Astronómica Internacional.
| Descubrimento e clasificación[1] | |
|---|---|
| Descuberto polo/dende o | Observatorio de Monte Palomar |
| Descuberto o | 14-05-2007 |
| Nome no Mpc | (278361) 2007 JJ43 |
| Nome alternativo | 2007 JJ43 |
| Categoría no Mpc | TNO |
| Características orbitais[2][1] | |
| Época= 27-08-2011 (2 455 800,5 xd) | |
| Afelio | 55,3707 UA (Q) |
| Perihelio | 40,2776 UA (q) |
| Eixo semi-maior | 47,82 UA |
| Excentricidade | 0,1578 |
| Período orbital | 120.801 d (330,74 ax) |
| Inclinación | 12,0623° |
| Anomalía media | 331,84° (M) |
| Lonxitude do nodo ascendente | 272,493° |
| Argumento do perihelio | 9,02° |
| Características físicas | |
| Dimensións | ~1000 km[3] |
| Período de rotación | ? |
| Tipo espectral | (moderadamente vermello) B-V=1,03; V-R=0,61[4] |
| Magnitude aparente | 20,69 [2] |
| Magnitude absoluta | 3,7 [1] ou 4,4[2] |
As imaxes do seu descubrimento foron tomadas no ano 2007. Posúe unha magnitude absoluta de 3,7 que fai del un dos vinte TNOs máis brillantes. Asumindo que ten un albedo típico, este obxecto podería ser tan grande coma 28978 Ixion (~650–800 km de diámetro). Pola contra o Johnston's Archive dálle un diámetro de 1000 km en informacións editadas no ano 2010,[3] este tamaño sería un pouco superior ó de 1 Ceres (~950 km de diámetro).
2007 JJ43 estaba a unhas 48 UAs respecto do Sol no ano 2010, e estimase que a súa órbita estea comprendida entre un rango de 40 a 56 UAs.[3]
Notas editar
- ↑ 1,0 1,1 1,2 JPL Small-Body Database Browser: 2007 JJ43 Consultado o: 18-06-2011
- ↑ 2,0 2,1 2,2 AstDys 2007 JJ43 Ephemerides Retrieved: 2011-06-18
- ↑ 3,0 3,1 3,2 Wm. Robert Johnston (07-08-2010). Johnston's Archive, ed. "List of Known Trans-Neptunian Objects". Consultado o 18-06-2011.
- ↑ A. Doressoundiram e o seu equipo. (2007). "The Meudon Multicolor Survey (2MS) of Centaurs and Trans-Neptunian Objects: From Visible to Infrared Colors". Astronomical Journal 134: 2186–2199. Bibcode:2007AJ....134.2186D. doi:10.1086/522783.