Ángeles Maestro

Ángeles Maestro Martín, máis coñecida como Nines Maestro, nada o 6 de febreiro de 1952 en Medina del Campo, Valladolid, é unha política española.

Ángeles Maestro

Biografía
Nacemento	(es) Ángeles Maestro Martín 6 de febreiro de 1952 (72 anos) Medina del Campo, España
Deputada de España
26 de marzo de 1996 – 18 de xaneiro de 2000 Lexislatura: VI lexislatura de España Circunscrición electoral: Circunscrición electoral de Madrid Electa en: Eleccións Xerais 1996 en España
Deputada de España
21 de xuño de 1993 – 9 de xaneiro de 1996 Lexislatura: V lexislatura de España Circunscrición electoral: Circunscrición electoral de Madrid Electa en: Eleccións Xerais 1993 en España
Deputada de España
21 de novembro de 1989 – 18 de xaneiro de 2000 Circunscrición electoral: Circunscrición electoral de Madrid
Deputada de España
14 de novembro de 1989 – 13 de abril de 1993 Lexislatura: IV lexislatura de España Circunscrición electoral: Circunscrición electoral de Madrid Electa en: Eleccións Xerais 1989 en España
Datos persoais
País de nacionalidade	España
Educación	Universidade Autónoma de Madrid
Actividade
Lugar de traballo	Madrid
Ocupación	política
Partido político	Partido Comunista de España Izquierda Unida
Lingua	Lingua castelá

Traxectoria

Comezou a súa militancia no Partido Comunista de España en 1971, e en 1979 foi escollida concelleira de Talavera de la Reina. Anos despois, en 1989, foi elixida deputada no Congreso dos Deputados, cargo que repetiría por dúas lexislaturas máis, en 1993 e 1996.

Foi unha das fundadoras de IU, sendo dende o primeiro momento membro do Consello Político Federal e da Presidencia Executiva. Pertenceu á sección máis esquerdista do partido, e foi dirixente de tendencias como Plataforma de Izquierdas ou Corriente Roja. No PCE, fixo parte da súa Secretaría de Relacións Internacionais, do Comité Federal e do Comité Executivo.

En novembro de 1996 foi membro do Tribunal Internacional por Crimes Contra a Humanidade Cometidos polo Consello de Seguridade das Nacións Unidas en Iraq, iniciativa cívica de intelectuais, políticos e profesionais do Dereito contrarios ás consecuencias do embargo sobre a poboación civil do país mesopotámico.

Abandonou IU cando Corriente Roja deixou a coalición en xuño de 2004, reincorporándose ao seu posto como médico no Servizo Madrileño de Saúde. Abandonou o PCE logo do XVII Congreso (xuño de 2005), logo de rexeitar este a proposta de Corriente Roja de que o PCE abandonase IU. Hoxe en día é a principal dirixente de CR. Nas eleccións ao Parlamento Europeo de 2009 acode nas listas de Iniciativa Internacionalista.

Véxase tamén

Outros artigos

• Corriente Roja

Ligazóns externas

• Artigos de Ángeles Maestro en Kaos en la Red (en castelán).
• Entrevista a Ángeles Maestro en El País (en castelán).